• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

27 DEKABR 2016

İSİM-də “QİX-in risk faktorlarının araşdırılması” sorğusunda sahə işlərinin qiymətləndirilməsi üzrə görüş keçirildi

Bütün dünyada qeyri-infeksion xəstəliklərin (QİX) artan dinamikası artıq bəşəriyyət üçün ləng mexanizmli bombaya çevrilib. Buna səbəb kimi Ümumdünya Səhiyyə Təşkilatının (ÜST) açıqlamalarında QİX-in əsas risk faktorlarından biri və demək olar ki, birincisi - qeyri-sağlam həyat tərzi göstərilir. Statistik məlumatlara əsasən Azərbaycanda da QİX-in səbəb olduğu xəstəliklərdən ölüm halları ildən-ilə artmaqdadır. Bu faktları nəzərə alaraq, respublikada QİX-in risk amillərinin araşdırılması üçün Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən cari ilin noyabr-dekabr aylarında əhali arasında sorğu keçirildi. Sorğu Səhiyyə Nazirliyinin 07.03.2016-cı il tarixli 16 nömrəli əmri ilə təsdiq edilmiş “Azərbaycan Respublikasında qeyri-infeksion xəstəliklərlə mübarizəyə dair 2015-2020-ci illər üçün Strategiyanın həyata keçirilməsi üzrə Səhiyyə Nazirliyinin Fəaliyyət Planı”nın 9.4.2-ci bəndinə uyğun olaraq həyata keçirildi. 

Sorğu bitdikdən sonra 26 dekabr tarixdə İSİM-də QİX-in risk amillərinin araşdırılmanın sahə işlərinin qiymətləndirilməsi üzrə görüş keçirildi. Sorğuya cəlb olunmuş intervüyerlərin və İSİM-in əməkdaşlarının iştirakı ilə baş tutan tədbirdə aparılmış araşdırmanın uğurları və çətinlikləri müzakirə olundu. Tədbiri aparan İSİM-in Monitorinq və təhlil şöbəsinin müdir müavini Xatirə Hüseynova nəticədə QİX-in risk faktorlarının yayılmasının tədqiqi protokolunun tərtib edilməsinə yönələn bu sorğunun ÜST-nin STEP metodologiyası əsasında təşkil olunduğunu söylədi. X.Hüseynova həmçinin qeyd etdi ki, bu sorğu əhali arasında QİX-in risk amillərinin mövcud vəziyyətini aşkar etməklə, 2020-ci ildə araşdırılacaq vəziyyətlə müqayisəli təhlil aparmağa köməklik göstərəcək.

Qeyd edək ki, sorğuda əsasən bədən çəkisi, qan təzyiqi, qarının dairəvi ölçüsünü təyin etməklə bərabər əhali arasında sağlam və qeyri-sağlam qidalanma, fiziki aktivlik, zərərli vərdişlərə meyillilik də araşdırıldı.

Sorğunun nəticələri bütün əldə olunmuş məlumatların yekun təhlilindən sonra ictimaiyyətə açıqlandırılacaq. Hal-hazırda sorğu məlumatlarının təhlili və hesabatın hazırlanması işi aparılır.