• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

1 İYUN 2015

Cinsi və reproduktiv sağlamlığın yaxşılaşdırılmasında insan hüquqlarının təşviqi üzrə Regional Konfrans keçirildi

Regional Konfransda Azərbaycanı Səhiyyə Nazirliyinin İctimai Səhiyyə və İslahatlar Mərkəzinin (İSİM) direktoru Ceyhun Məmmədov və Elmi-Tədqiqat Mamalıq və Ginekologiya İnstitutunun direktoru Cəmilə Qurbanova təmsil etdilər.

2015-ci il mayın 27-29-da Bolqarıstanın Sofiya şəhərində keçirilən Regional Konfransda Şərqi Avropa və Mərkəzi Asiya ölkələrindən olan nazirlər, yüksək vəzifəli şəxslər və ekspertlər iştirak etdilər. Regional Konfrans BMT-nin Əhali Fondunun Şərqi Avropa və Mərkəzi Asiya Regional Ofisi ilə Bolqarıstanın Xarici İşlər və Səhiyyə nazirliklərinin birgə təşkilatçılığı ilə keçirildi.

2013-cü il iyulun 1-2-də İsveçrənin Cenevrə şəhərində yüksək səviyyədə keçirilmiş Əhali və inkişaf üzrə 2014-cü ildən sonrakı dövr ərzində fəaliyyətə dair beynəlxalq konfrans və 2015-ci ildən sonrakı İnkişaf Proqramının tövsiyələri əsasında təşkil olunan konfransda əhalinin sosial-iqtisadi inkişafı ilə bağlı maraqlı məqamlara toxunuldu. Tədbirdə vurğulandı ki, sosial-iqtisadi inkişafın mərkəzində əhali dayanmalı, diqqət xüsusilə insan haqlarına, gender bərabərliyinə, səhiyyə və təhsilə, o cümlədən qızların təhsil almasına yönəldilməlidir.

Konfrans çərçivəsində ölkələrin dövlət tibb müəssisələrinin nümayəndələri 2015-ci ildən sonrakı İnkişaf Proqramına nəzər yetirdilər. Həmçinin əhalinin inkişaf dinamikası, müasir zamanda ailə, cinsi və reproduktiv sağlamlığın yaxşılaşdırılmasında insan hüquqlarının təşviqi, sosial inteqrasiya ilə bağlı mövzular müzakirə edildi. Eləcə də yeniyetmə və gənclər arasında sağlam həyat tərzinin təbliğinin əhəmiyyəti diqqətə çatdırıldı.

Konfransda cinsi və reproduktiv sağlamlıq sahəsində bərabərsizliklərin aradan qaldırılması, sağlam həyat tərzinin təbliği və xəstəliklərin profilaktikası ilə bağlı məsələlərdən də söhbət açıldı. İştirakçılar görülən fəaliyyətin və nailiyyətlərin xülasəsini hazırladılar, cinsi-reproduktiv sağlamlıq və reproduktiv hüquqların prioritetlərini müəyyən etdilər. Eyni zamanda Şərqi Avropa və Mərkəzi Asiyada daha yaxşı cinsi və reproduktiv sağlamlıq nəticələrinə nail olmaq üçün ölkələrarası əməkdaşlığın gücləndirilməsinin vacibliyi önə çəkildi, tövsiyələr dinlənildi. Sonda iştirakçı dövlətlərin yekdil səsiylə Sofiya Deklarasiyası qəbul olundu.