• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

7 APREL 2015

“7 aprel – Ümumdünya Sağlamlıq Günü” ilə bağlı maarifləndirmə aksiyası keçirildi (FOTO)

Hər il aprelin 7-si Ümumdünya Səhiyyə Təşkilatı (ÜST) tərəfindən Ümumdünya Sağlamlıq Günü kimi qeyd edilir. Həmin günün keçirilməsi dünya ictimaiyyətinin diqqətini qlobal miqyasda sağlamlığa aid vacib əhəmiyyət kəsb edən bir mövzuya yönəltmək üçün imkan yaradır. Bu ilin mövzusu qida və ərzaq məhsullarının təhlükəsizliyi ilə əlaqəlidir.

ÜST-nin məlumatlarına görə, hər gün minlərlə insan qarşısı alına bilinən qida mənşəli xəstəliklərdən dünyasını dəyişir. Qida məhsullarından düzgün istifadə qida mənşəli xəstəliklərin profilaktikasının əsas elementidir. Qida məhsulları hazırlanma prosesinin istənilən mərhələsində təhlükəli mikroorqanizmlərlə çirklənə bilər. Bir çox qida mənşəli xəstəliklərin qarşısını sadə gigiyena qaydalarına riayət etməklə almaq olar. ÜST qlobal sağlamlıq mesajlarının yerli şəraitə uyğunlaşdırılması sahəsində fəal iş aparır və bu işi dəstəkləyir.

Təhlükəsiz qidalanmanı təmin etmək məqsədilə ÜST tərəfindən qaydalar tərtib olunub. Qida mənşəli xəstəliklərin profilaktikası üçün təmizliyə riayət olunması, xammal ərzağının bişirilmiş qidalardan ayrılması, mikroorqanizmləri məhv etmək üçün yeməyin yaxşıca bişirilməsi, ərzağın təhlükəsizliyi tam təmin edən temperaturda saxlanılması, təhlükəsiz su və xammaldan istifadə edilməsi vacibdir. Bu qaydaların geniş ictimayyətə çatdırılması və tətbiq olunması üçün müxtəlif maarifləndirici tədbirlərin keçirilməsi nəzərdə tutulur.

Səhiyyə Nazirliyinin İctimai Səhiyyə və İslahatlar Mərkəzi (İSİM) əməkdaş təşkilatlarla birgə hər il Ümumdünya Sağlamlıq Günü ilə bağlı tədbir və aksiyalar keçirir. Həmçinin mövzu ilə bağlı maarifləndirmə materialları hazırlanır. Bu il İSİM tərəfindən “Təhlükəsiz qidalanmanın 5 açarı” adlı videoçarx Azərbaycan dilinə tərcümə olunub. 7 aprel 2015-ci ilin Ümumdünya Sağlamlıq Gününə həsr edilmiş videoçarxın Azərbaycan dilinə tərcümə edilmiş variantı ÜST-nin saytında yerləşdirilib. Bundan əlavə, təhlükəsiz qidalanma ilə bağlı buklet, vərəqə hazırlanıb, aidiyyəti üzrə paylanılma prosesinə başlanılıb.

Tədbirlərin davamı kimi, 2015-ci il aprelin 7-də ÜST, İSİM və Azərbaycan Qızıl Aypara Cəmiyyəti tərəfindən ilk növbədə “Park Bulvar” AVM-də maarifləndirmə aksiyası keçirildi. Aksiyada İSİM tərəfindən Azərbaycan dilinə tərcümə olunmuş “Təhlükəsiz qidalanmanın 5 açarı” adlı videoçarx nümayiş etdirildi və çap materialları paylanıldı. Aksiya zamanı əhaliyə təhlükəsiz qidalanmanın insan sağlamlığı üçün vacibliyi barədə məlumatlar da verildi.

Ümumiyyətlə, aprel ayı ərzində hər üç təşkilatın birgə səyi nəticəsində Bakının böyük ticarət mərkəzlərində maarifləndirmə aksiyaları keçiriləcək, ərzaq marketlərində isə əhaliyə alınan ərzaqla birgə maarifləndirmə materialları təqdim olunacaq.

Tədbirdə çəkilən şəkillərlə burada tanış olmaq olar.