• Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

9 OKTYABR 2018

Texniki Humanitar Liseydə "Narkomaniya və digər zərərli vərdişlərə qarşı birgə mübarizə aparaq!" mövzusunda tədbir keçirildi

9 oktyabr 2018-ci il tarixdə Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) və Nəsimi Rayon Polis İdarəsinin birgə təşkilatşılığı ilə Texniki Humanitar Liseydə maarifləndirici tədbir keçirildi.

İSİM-in həkim-metodistİ Lətafət Dadaşova "Narkomaniya və digər zərərli vərdişlərə qarşı birgə mübarizə aparaq!" mövzusunda təqdimatla çıxış edərək, zərərli vərdişlərin insan orqanizminə göstərdiyi mənfi təsirlər, gələcəkdə sağlamlığa törədəcəyi ağır fəsadlar, fiziki və psixi asılılıq barədə gəncləri məlumatlandırdı. 

Narkotik vasitələrə aludəçiliyin cinayətkarlıq, zorakılıq və digər mənfi halların yaranmasına zəmin yaratdığını qeyd edən natiq, narkomaniya ilə mübarizədə dəstək olaraq gənclərin ətrafı, ailə, dostlar, və oxuduqları təhsil müəssisələrinin də önəmli yer tutduğunu vurğuladı.

İSİM-in Səhiyyə siyasəti və islahatlar şöbəsinin müdiri Şəhla Mirzəzadə narkomaniyaya qarşı mübarizə sahəsində görülən işlər barədə danışaraq həyata keçirilən proqram və layihələr barədə məlumat verdi, gənclərə müvafiq tövsiyələrini çatdırdı: “Bu bəşəri problemə qarşı mübarizə çox ciddi məsuliyyət və zaman tələb edir. Məhz bu səbəbdəndir ki, Azərbaycanda narkomaniyaya qarşı mübarizə dövlət siyasətinin əsas məsələlərindən biri hesab olunmaqdadır.”

Tədbirin yekununda gəncləri maraqlandıran suallar cavablandırıldı və onlara İSİM tərəfindən hazırlanmış maarifləndirici bukletlər təqdim olundu.