• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

3 APREL 2017

İSİM-in nümayəndəsi Hindistanda “3-cü Beynəlxalq İctimai Səhiyyə İdarəetməsinin İnkişaf Proqramı” adlı təlimdə iştirak etdi

2017-ci ilin 20-25 mart tarixlərində Hindistanın Çandigarh şəhərində Texniki və İqtisadi Əməkdaşlıq Proqramı (İTEC) çərçivəsində Diplomdan sonrakı Tibbi Təhsil və Tədqiqat İnstitutu tərəfindən “3-cü Beynəlxalq İctimai Səhiyyə İdarəetməsinin İnkişaf Proqramı” adlı təlim keçirildi. 21 ölkədən olan nümayəndələr üçün təşkil olunan təlimdə səhiyyədə menecment prinsipləri, ictimai səhiyyə kommunikasiyası və  ictimai vəkillik, maliyə menecmenti, büdcə təşkili, ümumi keyfiyyət üzrə menecment, monitorinq və tərtib olunan fəaliyyət planının qiymətləndirilməsi, insan resursları üzrə planlama və digər məsələlər müzakirə predmeti oldu. Azərbaycanı bu təlimdə Səhiyyə Nazirliyinin İctimai Səhiyyə və İslahatlar Mərkəzinin (İSİM) Monitorinq və Təhlil şöbəsinin müdir müavini Xatirə Hüseynova təmsil etdi.

Qeyd edək ki, təlim çərçivəsində Hindistanın Şimla şəhərinə iştirakçılar üçün tanışlıq turu təşkil olundu. Təlim iştirakçıları orada “Ümumdünya vərəmlə mübarizə günü”nə (24 mart) həsr olunmuş tədbirdə iştirak etdilər. “HƏMRƏY OLAQ, VƏRƏMƏ SON QOYAQ” şüarını təqdim edən Azərbaycan nümayəndəsinin posteri maraqla qarşılandı. Daha sonra təlim iştirakçıları Himacal Pradeş vilayətinin Səhiyyə Naziri Kaul Singh Thakurun da iştirak etdiyi vərəmlə mübarizəyə həsr olunmuş yürüşdə iştirak etdilər.

5 gün davam edən təlimin sonunda iştirakçılara təlim boyu müzarikə olunan mövzular üzrə tapşırıqlar verildi. Onlara əldə etdikləri bilik və bacarıqlarını təcrübədə tətbiqinə dair Fəaliyyət planı təqdim etmələri və o planı tədbirin təşkilatçılarına göndərmələri tapşırıldı. Verilən tapşırıqlarlara əsasən tədbir iştirakçıları cari ilin sentyabr ayının sonuna kimi hesabatlarını təqdim etməlidirlər.