İSİM-də diridoğulmanın yeni meyarlarının tətbiqi ilə bağlı beynəlxalq təcrübəyə həsr olunmuş seminar keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

19 NOYABR 2015

İSİM-də diridoğulmanın yeni meyarlarının tətbiqi ilə bağlı beynəlxalq təcrübəyə həsr olunmuş seminar keçirildi

2015-ci il noyabrın 18-də Səhiyyə Nazirliyinin İctimai Səhiyyə və İslahatlar Mərkəzində (İSİM) diridoğulmanın beynəlxalq meyarlarının tətbiqi ilə bağlı müxtəlif ölkələrin təcrübəsinin öyrənilməsinə həsr olunmuş seminar keçirildi. BMT-nin Uşaq Fondunun (UNICEF) Azərbaycan nümayəndəliyi ilə birgə keçirilən seminarda həkim-neonatoloqlar, pediatrlar, reanimatoloqlar və İSİM-in əməkdaşları iştirak etdilər.

Seminar üçün xüsusi dəvət almış BMT-nin Uşaq Fondunun beynəlxalq mütəxəssisi Alla Kurtyanu təqdimatında bir sıra Avropa ölkələrində, o cümlədən Moldovada diridoğulmanın beynəlxalq meyarlarına keçidlə bağlı görülən tədbirlərdən söhbət açdı: “Moldova artıq 2008-ci ildə diridoğulmanın beynəlxalq meyarlarına keçid edib və bu keçidin nəticəsi olaraq, Avropa üzrə vaxtından əvvəl doğulmuş uşaqlara qulluq göstərilməsi ilə əlaqədar müsbət göstəricilər əldə edib.” Beynəlxalq mütəxəssis diridoğulmanın beynəlxalq meyarlarına keçidlə bağlı ictimai maarifləndirmə işinin aparılmasının vacibliyini də önə çəkdi.

BMT-nin Uşaq Fondunun Azərbaycan nümayəndəliyinin Gənclərin və yeniyetmələrin inkişafı proqramının mütəxəssisi Natiq Umarov ana və uşaq sağlamlığının yaxşılaşdırılması, 2015-ci ilin yanvarın 1-dən diridoğulmanın beynəlxalq meyarlarına keçidlə bağlı Azərbaycanda keçirilən bir sıra maarifləndirmə tədbirləri barədə məlumat verdi.

Səhiyyə Nazirliyinin baş neonatoloqu Rüstəm Hüseynov Azərbaycanda səhiyyə xidmətlərinin təkmilləşdirildiyini, tibb müəssisələrinin yeni avadanlıqlarla təchiz edildiyini, tibb işçiləri tərəfindən müasir texnologiyaların mənimsənildiyini, doğuşayardım xidmətlərinin gücləndirilməsinə şərait yaradıldığını vurğuladı: “Görülən tədbirlər ölkədə çox azçəkili yenidoğulmuşların yaşamasına ümid verir.”

Seminar müzakirələrlə davam etdi.