Mingəçevirdə “Uşaqların icbari dispanserizasiyası və uşaq xəstəliklərinin erkən aşkarlanması və profilaktikası” mövzusunda təlim kursu keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

7 FEVRAL 2015

Mingəçevirdə “Uşaqların icbari dispanserizasiyası və uşaq xəstəliklərinin erkən aşkarlanması və profilaktikası” mövzusunda təlim kursu keçirildi

Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən pilot layihə çərçivəsində sonuncu təlim kursu 2015-ci il fevralın 5-7-də Mingəçevirdə fəaliyyət göstərən “Ana və Uşaq” Müalicə Sağlamlıq Mərkəzinin poliklinika şöbəsinin və 1 uşaq poliklinikasının 26 pediatrı üçün təşkil olundu. Uşaqların dispanserizasiyasını həyata keçirən ilkin səhiyyə işçiləri üçün xəstəliklərin erkən aşkarlanması və müalicəsi üzrə keyfiyyət standartları və klinik protokollar əsasında keçirilən təlimi İSİM-in əməkdaşları Nabil Seyidov və İradə Cəfərova, Əziz Əliyev adına Azərbaycan Dövlət Həkimləri Təkmilləşdirmə İnstitutunun əməkdaşları Mətanət Qaraxanova və Nigar Hacıyeva apardılar.

Təlimdə “Uşaqların icbari dispanserizasiyadan keçirilməsinə dair Dövlət Proqramı”, Nazirlər Kabineti tərəfindən təsdiq edilmiş "Uşaqların icbari dispanserizasiyasının həyata keçirilməsi Qaydası", "Dispanserizasiyadan keçiriləcək uşaqlara göstərilməli olan tibbi yardımın həcmi və keyfiyyət standartları", "Xəstə və xəstələnmə riski olan uşaqlar üçün müalicə-sağlamlaşdırıcı tədbirlərin həyata keçirilməsi Qaydası", İSİM-in hazırladığı klinik protokollar və metodik tövsiyələr əsasında uşaqların icbari dispanserizasiyasının təşkili məsələləri, habelə dispanserizasiya çərçivəsində bir sıra xəstəliklər, bu xəstəliklərin profilaktikası və erkən aşkarlanması, eləcə də diaqnostikası ilə bağlı təqdimatlar nümayiş etdirildi.

Uşaqların icbari dispanserizasiyasını həyata keçirən dövlət tibb müəssisələrində kadrların təkmilləşdirilməsi məqsədilə keçirilmiş təlimlər uşaqlar arasında xəstələnmənin, habelə sağlamlıq imkanlarının məhdudluğunun və ölümün səviyyəsinin azaldılmasına yönəldilib.