• 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

22 DEKABR 2014

İSİM-in təşkilatçılığı ilə keçirilən “Qan donorluğu” mövzusunda rəsm müsabiqəsi üzrə qaliblər mükafatlandırıldı

2014-cü il dekabrın 20-də “Metropark” AVM-də Səhiyyə Nazirliyinin İctimai Səhiyyə və İslahatlar Mərkəzi (İSİM), Azərbaycan Qızıl Aypara Cəmiyyəti və Gənclər üçün Təhsil Mərkəzinin təşkilatçılığı, B.Eyvazov adına Elmi-Tədqiqat Hemotologiya və Transfuziologiya İnstitutunun dəstəyilə “Qan donorluğu” mövzusunda rəsm müsabiqəsinin yekun tədbiri keçirildi.

Tədbirdə ilk növbədə Bakının Sabunçu rayon 148 və 4 saylı tam orta məktəbləri və Xətai rayon 23 saylı Uşaq və Gənclər Yaradıcılıq Mərkəzi, eləcə də Sumqayıt, Tərtər, Sabirabad və İsmayıllı üzrə Rayon Uşaq və Gənclər Yaradıcılıq Mərkəzləri arasında keçirilmiş müsabiqə iştirakçılarının işlərindən ibarət sərgi ilə tanış olan qonaqlara 156 rəsm işinin qəbul edildiyi və bir neçə nominasiya üzrə 40 rəsmin seçildiyi ilə bağlı məlumat verildi.

İSİM-in Layihələrin əlaqələndirilməsi şöbəsinin müdiri Səbinə Babazadə, Azərbaycan Qızıl Aypara Cəmiyyətinin icraçı katibi Bayram Vəliyev və layihə rəhbəri Mətanət Qaraxanova, Gənclər üçün Təhsil Mərkəzinin nümayəndəsi Qızılgül Teyyubova Azərbaycanda qan donorluğunun inkişafı istiqamətində görülən işlərdən söhbət açdılar: “Hemofiliya və talassemiya xəstələrinin müalicəsində qan komponentlərinin və preparatlarının istənilən vaxtda əlçatan olması olduqca vacibdir. Azərbaycanda könüllü təmənnasız qan donorluğunun inkişafı sahəsində uşaq və gənclər tərəfindən həyata keçirilən fəaliyyət bu gün də davam edir.”

Müsabiqənin keçirilməsinin əhəmiyyətini vurğulayan münsiflər heyətinin üzvü, Azərbaycan Rəssamlar İttifaqının və Beynəlxalq Karikaturaçılar Təşkilatları Federasiyasının üzvü, psixoloq Nailə Salmanovanın çıxışından sonra müsabiqə qaliblərinin mükafatlandırma mərasimi keçirildi. Belə ki, I yer üzrə 1, II yer üzrə 3, III yer üzrə 3 nəfər, “Ən yaxşı ideya” nominasiyası üzrə isə 1 nəfər qalib seçildi və mükafatlandırıldı.

Sonda Azərbaycan Qızıl Aypara Cəmiyyətinin Sabunçu Rayon Bölməsinin könüllülərinin və Azərbaycan Uşaq və Gənclərin Sülh Şəbəkəsinin üzvlərinin solo ifaları, rəqs ansamblı maraqla izlənildi.