• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

19 DEKABR 2014

İSİM-də beynəlxalq ekspertin iştirakı ilə VİQA Alyansının Azərbaycanda Səhiyyə Sisteminin Gücləndirilməsi layihəsi çərçivəsində dəyirmi masa keçirildi

İmmunlaşdırma üzrə Qlobal Alyansın (VİQA) maliyyələşdirdiyi və Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən idarə olunan “Azərbaycanda Səhiyyə Sisteminin Gücləndirilməsi” layihəsinin birinci məqsədinin vəzifəsi diplomdan sonrakı təhsil sisteminin gücləndirilməsi vasitəsi ilə növbəti üç il ərzində 7 tibbi texnikumun, 42 təlimçinin, 640 orta tibb işçisinin potensialının və ilkin səhiyyə səviyyəsində işləyən orta tibb işçilərinin immunoprofilaktika üzrə bacarıq və biliklərinin artırılmasından ibarətdir. Bu məqsədlə layihə çərçivəsində müəllimlər və müdavimlər üçün “pediatriya” fənni üzrə İmmunlaşdırma modulunun əsas və tematik kursu üzrə yeni tədris proqramı və materialları işlənib hazırlanıb.

Pediatriya kursunda immunizasiya üzrə modulun mövzularının və tədris metodologiyasının qiymətləndirilməsi məqsədilə 2014-cü il dekabrın 15-20-də “Azərbaycanda Səhiyyə Sisteminin Gücləndirilməsi” layihəsi çərçivəsində Türkiyədən dəvət olunmuş ekspert Arzu Köşəli Azərbaycana səfər etdi.

Səfər çərçivəsində Arzu Köşəlinin İSİM-də layihənin həyata keçirilməsi qrupu və direktorla, daha sonra 2 nömrəli Bakı Baza Tibb Kolleci, ÜST və qeyri-hökumət təşkilatlarının aidiyyəti nümayəndələri, Elmi-Tədqiqat Pediatriya İnstitutunun direktoru, Səhiyyə Nazirliyinin baş pediatrı Nəsib Quliyev və layihənin digər ekspertləri ilə görüşləri təşkil olundu. Missiyaya 2014-cü il dekabrın 20-də İSİM-də İmmunlaşdırma modulunun mövzularının və tədrisin qiymətləndirilməsinin müzakirəsinə və nəticələr üzrə tövsiyələrə həsr olunmuş dəyirmi masanın keçirilməsi ilə yekun vuruldu. Dəyirmi masada İSİM, 2 nömrəli Bakı Baza Tibb Kolleci və ÜST-nin aidiyyəti tibb mütəxəssisləri iştirak etdilər.

Layihənin həyata keçirilməsi üzrə icra qrupun üzvü Lütfi Qafarovun layihə və beynəlxalq ekspertin missiyası barədə məlumatından sonra Arzu Köşəli immunoprofilaktika üzrə mövcud səhiyyə sisteminin qiymətləndirilməsi ilə bağlı müşahidələri barədə təqdimat etdi. Təqdimatda ekspert Azərbaycanın mövcud səhiyyə sistemi ilə yaxından tanış olduğunu, mühazirələrdə iştirak etdiyini və təlim materiallarına nəzər yetirdiyini bildirdi. Arzu Köşəli diplomdan sonrakı təhsil sisteminin gücləndirilməsi, orta tibb işçilərinin immunoprofilaktika üzrə bacarıq və biliklərinin artırılması məqsədilə tibb işçilərinin kommunikasiya bacarıqlarının inkişafı, məlumatlılığın artırılması, yeni peşəkar təlimçilərin hazırlanması, mühazirələrin yeni formatda keçirilməsi istiqamətində tövsiyələrini verdi və fəaliyyətin uğurlu aparılması üçün komanda işinin vacibliyini vurğuladı.

Tövsiyələr və görüş müzakirələri layihənin birinci məqsədinin uğurla həyata keçirilməsi yönündə layihə iştirakçılarına növbəti təcrübə qazandırdı.