İSİM-də Səhiyyə idarəçiliyində kadr potensialının gücləndirilməsi ilə bağlı təlim keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

12 APREL 2013

İSİM-də Səhiyyə idarəçiliyində kadr potensialının gücləndirilməsi ilə bağlı təlim keçirildi

2013-cü il aprelin 8-12-də Səhiyyə Nazirliyinin İctimai Səhiyyə və İslahatlar Mərkəzində (İSİM) Dünya Bankının maliyyələşdirdiyi Səhiyyə Sektorunda İslahatlar Layihəsi (SSİL) çərçivəsində Səhiyyə idarəçiliyində kadr potensialının gücləndirilməsi ilə bağlı təlim keçirildi. SSİL-nin nümayəndəsi hazırkı təlimin pilot xarakter daşıdığını və bu cür təlimlərin beş pilot rayonun (Ağdaş, Şəki, İsmayıllı, Qax və Abşeron) səhiyyə idarəçiliyində çalışan mütəxəssislər (baş həkimlər, baş həkim müavinləri, kadrlar üzrə mütəxəssislər, iqtisadçılar, hüquqşünaslar, həkim-statistlər, həkim-metodistlər) üçün keçirilməsinin nəzərdə tutulduğunu bildirdi. Aprel-iyun aylarını əhatə edəcək təlimlərin keçirilməsində məqsəd ilkin səhiyyə sektorunda tibb xidmətlərinin təkmilləşdirilməsi, xəstəxanaların idarə edilməsi aspektlərinin öyrənilməsidir.

Azərbaycanın səhiyyə sistemində irəliyə doğru geniş addımların atıldığı və dövlət tərəfindən xəstəxanalara ayrılmış maliyyə sayəsində tibb xidmətlərinin təkmilləşdirilməsi barədə məlumatlı olduğunu bildirən səhiyyə menecmentliyi üzrə beynəlxalq mütəxəssis Frederik Roeder hazırkı təlimin iştirakçılar üçün əhəmiyyətindən söhbət açdı.

Təlim ərzində səhiyyədə idarəçiliyin əsas prinsiplərindən, biznes idarəçiliyinin konsepsiyalarından bəhs edildi. İştirakçılar məhdud resurslardan mümkün qədər səmərəli istifadə etmək məqsədilə biznes idarəçiliyinin zəruri komponentləri barədə ümumi məlumatla tanış oldular. F.Roeder səhiyyə xidmətlərinin maliyyə idarəçiliyi, maliyyə bəyannamələri arasındakı fərq və zamanla pul arasındakı əlaqənin geniş izahını verdi.

Səhiyyə iqtisadiyyatı və tibbi texnologiyanın əsas aspektlərini diqqətə çatdıran təlimçi Almaniya səhiyyəsinin təcrübəsindən nümunələr gətirdi.

Təlim ərzində müəyyən tibbi xidmətlərin tələbindəki irəliləyiş və tendensiyaların proqnozlaşdırılmasının tibbi xidmətlərin planlaşdırılması üçün əsas olduğu nəzərə çatdırıldı. F.Roeder xəstəxana və tibbi xidmət idarəçiliyi daxilində müxtəlif təşkilati konsepsiyaların iştirakçılara öz regional səhiyyə sistemini təkmilləşdirməyə və yerli infrastrukturdan əhəmiyyətli dərəcədə istifadə etməyə yardım etdiyini vurğuladı.

İştirakçılar həmçinin tibbi texniki avadanlıqların prioritetləşdirilməsi və səhiyyə komandaları ilə əməkdaşlığı gücləndirərək tibbi cihazların istifadəsini artırmaq üsulları ilə bağlı biliklərə yiyələndilər.