• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

23 MAY 2012

İSİM-də “Kommunikasiya vasitəsilə davranışın dəyişdirilməsi” mövzusunda təlim keçirildi

2012-ci il mayın 22-23-də Səhiyyə Nazirliyinin İctimai Səhiyyə və İslahatlar Mərkəzində (İSİM) “Kommunikasiya vasitəsilə davranışın dəyişdirilməsi” mövzusunda təlim keçirildi. Azərbaycanda Səhiyyənin Gücləndirilməsi Layihəsi çərçivəsində AbtAssociates-in təşkilatçılığı ilə ABŞ Beynəlxalq İnkişaf Agentliyi USAİD-in maliyyələşdirdiyi 2 günlük təlimdə İSİM-in əməkdaşlarından ibarət qrup iştirak etdi.

Azərbaycanda Səhiyyənin Gücləndirilməsi Layihəsinin Səhiyyə Kommunikasiyası üzrə Proqram meneceri Ayla Ələsgərova ilk növbədə kurs barədə ümumi məlumat verdi, təlimin məqsədlərini nəzərə çatdırdı. Həmçinin təlimin strategiya və tədbirlərin icrasını effektiv şəkildə idarə etmək üçün iştirakçıları Davranışın Dəyişdirilməsi üzrə Kommunikasiya (DDK) yanaşmaları və alətləri barədə ətraflı məlumatlandırmaq məqsədilə keçirildiyini vurğuladı. Məruzə əsnasında DDK-nin sağlamlıq kontekstində yerindən bəhs edildi və DDK proses kimi nəzərdən keçirildi. Bu prosesin icrasında atılan metodoloji addımlar, eyni zamanda DDK strategiyasının həyata keçirilməsi zamanı davranış nəzəriyyələrinin tətbiqindən söhbət açıldı.

DDK üzrə mütəxəssis, AbtAssociates ABŞ-dakı Baş ofisinin nümayəndəsi Caytie Decker iştirakçıları effektiv mesajların hazırlanması və media planlanlaşdırması istiqamətində kommunikasiyanın əhəmiyyəti barədə məlumatlandırdı. DDK strategiyasının uğurla idarə edilməsində vacib olan şərtləri diqqətə çatdıran C.Decker DDK tədbirlərini qiymətləndirmək üçün əsas addımları sadaladı.

Təlimçilər davranışın dəyişdirilməsinə yönəlmiş fəaliyyət çərçivəsində vəziyyətin təhlili və auditoriyanın öyrənilməsində yaradıcı yanaşmanın vacibliyini vurğuladılar. Eləcə də DDK mesaj və materiallarının hazırlanması, ilkin yoxlanılması və düzəlişlərin edilməsi, DDK Strategiyalarının İcrası, monitorinq və qiymətləndirmə haqqında məlumat verildi.

Təlim ərzində iştirakçılar əldə etdikləri nəzəri bilikləri çalışmalarda tətbiq etdilər.