• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

15 MART 2012

İSİM-də Səhiyyə Sistemində Monitorinq və Qiymətləndirmə metodologiyasından istifadənin yekun hesabatının təqdimatı oldu

2012-ci il martın 15-də Səhiyyə Nazirliyinin İctimai Səhiyyə və İslahatlar Mərkəzində (İSİM) Səhiyyə Sistemində Monitorinq və Qiymətləndirmə metodologiyasından istifadənin yekun hesabatının təqdimatı oldu. Yerli və beynəlxalq təşkilatların nümayəndələrinin iştirak etdiyi görüşdə Səhiyyə Nazirliyinin Səhiyyə Sektorunda İslahatlar Layihəsinin İcra Qrupunun əməkdaşları Səkinə İsmayılova və İsa Əliyev Səhiyyə Sistemində Milli Səmərələşdirmə Planının İcrasının Monitorinq və Qiymətləndirilməsi barədə ümumi məlumat verdi. Daha sonra layihə məsləhətçisi M.Kohut Azərbaycanda səhiyyə müəssisələrinin səmərələşdirilmə planının icrası istiqamətlərindən məruzə etdi. Planda nəzərdə tutulan addımların həyata keçirilməsi üçün 5 pilot və 5 seçmə rayonun seçildiyini vurğulayan layihə məsləhətçisi nəticələrin hər iki qrup rayon arasındakı fərqlərin müəyyənləşdirilməsinə imkan verdiyini bildirdi.

Görüş əsnasında Səhiyyə Sektorunda İslahatlar Layihəsi və Milli Səmərələşdirmə Planının məzmunu haqqında ətraflı söhbət açıldı. Monitorinq və Qiymətləndirmə metodologiyasında istifadə edilən 5 əsas yanaşma, tipik üsullar və alətlərdən bəhs edildi. Planın əhaliyə keyfiyyətli tibbi xidmətlərin çatdırılması məqsədini daşıdığını deyən M.Kohut nəticələrin qarşıya qoyulan məqsədlərə uyğun gəlib-gəlmədiyini qrafik sxemlərlə nümayiş etdirdi. Sonda bu metodologiyanın gələcəkdə növbəti monitorinq və qiymətləndirmələrin aparılmasında, müvafiq tapşırıqların yerinə yetirilməsində effektivliyi vurğulandı.