• 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

17 NOYABR 2011

Türkiyənin İstanbul şəhərində reproduktiv sağlamlıq vasitələri ilə təminat sahəsində təhlükəsizliyin advokasiyası alətləri üzrə təlim keçirildi

Şərqi Avropada hazırda regional səviyyədə reproduktiv sağlamlıq vasitələri sahəsində təhlükəsizliyin təmin edilməsilə bağlı tədbirlərin strategiyası işlənib hazırlanır. Bu istiqamətdə görülən tədbirlərin davamı olaraq, 2011-ci il noyabrın 8-10-da Türkiyənin İstanbul şəhərində reproduktiv sağlamlıq vasitələri ilə təminat sahəsində təhlükəsizliyin advokasiyası alətləri üzrə təlim keçirildi. Tədbirdə Azərbaycan, Moldova, Belarus, Bosniya və Herseqovina, Makedoniya, Ukrayna, Kosovo, Ermənistan daxil olmaqla, səkkiz Şərqi Avropa ölkəsinin Səhiyyə Nazirliklərini və BMT-nin Əhali Fondunun ofislərini təmsil edən nümayəndələr iştirak etdilər.

Diqqəti kontraseptiv təhlükəsizliyin təminatının praktik aspektlərinə cəmləyən təlimin keçirilməsində məqsəd səhiyyə sistemində kontraseptiv təhlükəsizliyin təkmilləşdirilməsi alətlərini təqdim etmək üçün tərəfdaş ölkələrin imkanlarının artırılmasıdır. Təlim sessiyalarını Türkiyədən UNFPA-nın (BMT-nin Əhali Fondunun Şərqi Avropa-Orta Asiya Regional Ofisi) subregional ofisinin rəhbəri, Şərqi Avropa və Mərkəzi Asiya üzrə UNFPA-nın regional ofisinin reproduktiv sağlamlıq vasitələri sahəsində təhlükəsizliyə dair suallarla bağlı müşaviri Ezizgəldi Hellenov, Azərbaycandan İctimai Səhiyyə və İslahatlar Mərkəzinin həkim-metodisti Teymur Hüseynov, ABŞ-dan Future Groupsun strategiyalarına dair suallarla bağlı baş müşaviri Priya Emmart, eləcə də Özbəkistandan Fərqanə vilayətinin Reproduktiv Sağlamlıq Mərkəzinin rəhbəri Matluba Yusubova apardılar.