• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

19 NOYABR 2009

Azərbaycanda kəskin bağırsaq infeksiyaları üzərində nəzarəti üzrə müşavirə

19 noyabr 2009-cu il tarixində İctimai Səhiyyə və İslahatlar Mərkəzində Ümumdünya Səhiyyə Təşkilatının Avropa Regional Bürosunun dəstəyi ilə Azərbaycanda kəskin bağırsaq infeksiyaları üzərində nəzarətə həsr olunmuş müşavirə keçirildi.

Tədbirin keçirilməsində başlıca məqsəd ölkəmizdə kəskin bağırsaq infeksiyaları (KBİ) xəstəliklərinin idarə olunması və onlar üzərində nəzarətin mövcud strategiyalarını nəzərdən keçirərək, onların təkmilləşdirilməsi sahəsində prioritet istiqamətlərin müəyyənləşdirilməsi idi. Bununla yanaşı keçirilən müşavirə, Səhiyyə Nazirliyi tərəfindən kəskin bağırsaq infeksiyaları üzərində aparılan epidemioloji nəzarətlə əlaqədar tədbirlər haqqında məlumatı iştirakçılara çatdırmaq və gələcəkdə atılacaq addımları birgə müzakirə etmək məqsədləri də daşıyırdı.

Tədbirdə 2007-2009-cu illərdə ÜST-ün dəstəyi ilə həyata keçirilən rotavirus infeksiyaları üzərində kəşfiyyat xarakterli nəzarət göstəricilərinin nəzərdən keçirildi, müasir imkanlar (xəstəliklərə nəzarət göstəriciləri bankı, laborator imkanların gücləndirilməsi və s.) çərçivəsində, epidemioloji və laborator komponentlər də daxil olmaqla, KBİ-lər üzərində nəzarətin vəziyyəti və bu sahədə mövcud tələblərin müzakirəsi aparıldı. Həmçinin, KBİ-rın müalicə və profilaktikası üzrə məlumatların təqdimatı və müzakirəsi və onun idarə edilməsi sahəsində prioritet istiqamətlərin müəyyənləşdirilməsi və müzakirələrin nəticələrinə əsasən, tövsiyələrin hazırlanması həyata keçirildi.

Müşavirədə Ümumdünya Səhiyyə Təşkilatı, İctimai Səhiyyə və İslahatlar Mərkəzi, Respublika Gigiyena və Epidemiologiya Mərkəzi, Bakı Şəhəri Baş Səhiyyə İdarəsi, Respublika Taun Əleyhinə Stansiya, Su nəqliyyatında Gigiyena və Epidemiologiya Mərkəzi, Elmi-Tədqiqat Pediatriya İnstitutu, Rostropoviç-Vişnevskaya Fondunun Azərbaycan ofisi, Naxçıvan Muxtar Respublikası Gigiyena və Epidemiologiya Mərkəzi, Bakı şəhəri rayonlarının gigiyena və epidemiologiya mərkəzlərinin nümayəndələri iştirak etdilər.