İSİM-də növbəti təşkilatlararası görüş keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

15 APREL 2010

İSİM-də növbəti təşkilatlararası görüş keçirildi

İctimai Səhiyyə və İslahatlar Mərkəzi (İSİM) ilə beynəlxalq təşkilatların nümayəndələri və milli koordinatorlar arasında növbəti iclas aprel ayının 14-də keçirildi.

İclas qısa aylıq hesabatlardan və təqdimatdan ibarət idi. İclasda İSİM direktorunun müavini ilə bərabər Azərbaycanda fəaliyyət göstərən və İSİM ilə sıx əməkdaşlıq edən Engender Health, Açıq Cəmiyyət İnstitutu, Qlobal Fond, UNAİDS, İCRC, İqtisadi Təşəbbüslərə Yardım İB, Vişnevskaya-Rastropoviç Fondu, Abt. Associates, Azərbaycan Qızıl Aypara Cəmiyyəti, Respublika QİÇS-lə Mübarizə Mərkəzi nümayəndələri, eləcə də Səhiyyə Nazirliyinin “Sağlam həyat tərzi” layihəsinin milli koordinatoru Azad Hacıyev iştirak etdi. İclas “İqtisadi Təşəbbüslərə yardım” İB-in sədri Azər Mehtiyevin təşkilatın fəaliyyəti haqqında təqdimatı ilə başlandı.

Azər Mehtiyev təşkilatın fəaliyyət istiqamətləri, əsas layihələri, üzv olduğu koalisiyalar və əsas tərəfdaşları haqqında qısaca olaraq danışdıqdan sonra Azərbaycanda ana və uşaq sağlamlığı sahəsində mövcud durum və problemlərdən de bəhs elədi. Məruzədə 1 yaşadək körpə ölümü, uşaq ölümü ilə bağlı UNİCEF-in son hesabatı, 5 yaşadək uşaq ölümü vəziyyəti və eləcə də qadınların ayrı-ayrı xəstəliklərlə xəstələnməsi, doğuşu ağırlaşdıran xəstəliklər və dünya üzrə ana və uşaq ölümünün səbəbləri barədə verdiyi məlumatlar iştirakçıların marağını cəlb etdi.

Sonra iştirakçılar mart ayı ərzində gördükləri işlər, həyata keçirdikləri layihə və tədbirlər ilə bərabər planlaşdırdığı yeni fəaliyyətlər haqqında məlumat verdilər.

İclasın sonunda İSİM rəhbərliyi nümayəndələr üçün maraqlı olan sualları cavablandırdı, növbəti iclasın may ayının 12-də keçiriləcəyini iştirakçıların nəzərinə çatdırdı.