19 SENTYABR 2024
Kommunikasiya bacarıqlarının inkişaf etdirilməsi məqsədilə təlimlər keçirilib
Səhiyyə Nazirliyi İctimai Səhiyyə və İslahatlar Mərkəzində (İSİM) “Nitq mədəniyyəti. Şifahi və yazılı nitqin xüsusiyyətləri” mövzusunda təlimlər keçirilib. Təlimlər İSİM-in Səhiyyə kommunikasiyası şöbəsinin müdiri Laura Quliyeva tərəfindən aparılıb. Həkim və ictimai səhiyyə işçilərinin kommunikasiya bacarıqlarının inkişaf etdirilməsi məqsədilə təşkil olunan təlimlərdə dillərin tipoloji və genetik təsnifatı, Azərbaycan ədəbi dilinin normaları, effektiv ünsiyyət bacarıqları, nitq etiketləri barədə ətraflı məlumat verilib. Səriştəli şifahi və yazılı nitqin formalaşdırılması üçün praktik tapşırıqlar icra edilib, işgüzar kommunikasiya qurmaq bacarıqları, effektiv ünsiyyət üçün nitqin təsiretmə, inandırmaq üsullarından geniş söz açılıb. Eyni zamanda, jest, hərəkət və mimikaların nitqə təsiri, diksiya və danışıq etikası, ünsiyyətin əsas qaydalarından danışılıb, faydalı tövsiyələr verilib. İSİM-də səhiyyə işçilərinin bilik və praktik bacarıqlarının inkişaf etdirilməsi istiqamətində müntəzəm olaraq təlimlər təşkil edilir.