13 MAY 2024
Məktəblərdə “Ağız boşluğunun sağlamlığı və gigiyenası. Sağlam qidalanma” mövzusunda maarifləndirmə tədbirləri və sorğu keçirilib
Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən 2024-cü ilin aprel-may aylarında Bakı şəhəri üzrə 80, 294, 92, 166, 125, 215, 228, 243, 259, 326 nömrəli orta məktəblər və SHE – sağlamlığı təşviq edən 177, 149, 110 və 5 saylı tam orta məktəblərdə “Ağız boşluğunun sağlamlığı və gigiyenası. Sağlam qidalanma” mövzusundamaarifləndirmə tədbirləri keçirilib.
İSİM-in Monitorinq və təhlil şöbəsinin müdiri İnara Makayeva, Təlim-resurs şöbəsinin müdir müavini Pərvin Quliyeva çıxış edərək, şagirdlərə ağız boşluğun gigiyenası, kariyesin yaranma səbəbləri və profilaktikası, sağlam qidalanma haqqında geniş məlumat veriblər. Keçirilən maarifləndirmə tədbirləri çərçivəsində uşaqların sağlamlığa dair davranışlarlarının öyrənilməsi məqsədilə şagirdlər arasında sorğu keçirilib.
Tədbirlərdə iştirakçıları maraqlandıran suallar cavablandırılıb və onlara İSİM tərəfindən hazırlanaraq çap olunan maarifləndirici materiallar təqdim edilib.