İSİM-də könüllülərlə görüş oldu | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

10 İYUN 2019

İSİM-də könüllülərlə görüş oldu

10 iyun 2019-cu il tarixdə Səhiyyə Nazirliyinin İctimai Səhiyyə və İslahatlar Mərkəzində (İSİM) ictimai səhiyyəyə maraq göstərən gənclərlə görüş oldu. İSİM-in direktoru Qəhrəman Haqverdiyev könüllüləri salamlayaraq onların fəallığını alqışladı və əhalinin sağlamlığı, cəmiyyətin rifahı naminə ölkəmizdə həyata keçirilən tədbirlərə töhfə vermək istəklərini yüksək qiymətləndirdiyini bildirdi.

İSİM-in Səhiyyə siyasəti və islahatlar şöbəsinin müdiri Şəhla Mirzəzadə könüllülük proqramının “Azərbaycan gəncliyi 2017–2021-ci illərdə” Dövlət Proqramının 5.7.5. (Gənclər arasında könüllülük fəaliyyətinin daha geniş təşviq edilməsi) bəndinə əsasən həyata keçirildiyini qeyd etdi  və könüllülük anlayışının gənclər arasında təbliğinin əhəmiyyətindən danışdı.  Könüllüləri rəhbərliyə təqdim edən Şəhla Mirzəzadə bu proqramın davamlı olacağına ümid etdiyini və gələcəkdə daha çox gəncin səhiyyə könüllüləri sıralarına qoşulacağına inandığını vurğuladı. Görüşdə iştirak edən İSİM-in əməkdaşları müxtəlif şöbələrin fəaliyyətləri barədə gənclərə ətraflı məlumat verdilər və könüllülərlə birlikdə çalışmaqdan məmnun olduqlarını bildirdilər.

Qeyd edək ki, İSİM-in könüllüləri əsasən Tibb Universitetinin tələbələri olmaqla müxtəlif sahələr üzrə təhsil alan gənclərdir. Onların arasında gələcəyin həkimi, sosial işçisi, ekoloqu, müəllimi, həkimi var.

İSİM-in həyata keçirdiyi bir neçə layihədə artıq yaxından iştrak edən könüllülər 31 may 2019-cu il tarixdə  Ümumdünya Tütünsüz Günü münasibətilə  Azərbaycan Mədəniyyət və İncəsənət Universitetində “Tütün çəkmə, şəkil çək!” şüari ilə keçirilən tədbirdə maarifləndirici təşviqat aksiyasına qoşulmuşdular. Onlar həmçinin Sağlam Qida Könüllülərinin I Respublika Forumunda təmsil olunmuşdular.