• Fiziki aktiv ol!
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • “Qeyri-infeksion xəstəliklərin yükü və mübarizə strategiyaları” mövzusunda II Milli Konfrans keçirildi
  • Sağlam həyat tərzi seç!
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

5 APREL 2019

“Maraqlı tərəflər üçün elektron səhiyyənin standartlaşdırılması” mövzusunda seminar keçirildi

Azərbaycan Respublikası  Səhiyyə Nazirliyinin İctimai Səhiyyə və İslahatlar Mərkəzində (İSİM) 4-5 aprel 2019-cu il tarixdə beynəlxalq ekspertlərin iştirakı ilə “Maraqlı tərəflər üçün elektron səhiyyənin standartlaşdırılması” mövuzunda seminar keçirildi. Rabitə və Yüksək Texnologiyalar Nazirliyi, İcbari Tibbi Sığorta üzrə Dövlət Agentliyi, Səhiyyənin İnformasiyalaşdırılması Mərkəzi, Səhiyyə Nazirliyinin Statistika İdarəsi, Elmi-Tibbi Kitabxana və İSİM-in nümayəndələri seminarda iştrak etdilər. İSİM-in direktoru Qəhrəman Haqverdiyev giriş sözü ilə çıxış edərək, Azərbaycanda elektron səhiyyə sahəsində görülən işlərdən və əldə olunan nailiyyətlərdən söz açdı: “Müasir dövrdə elektron səhiyyə tibbi-sanitar xidmətin ən dinamik inkişaf edən istiqamətidir və  bu gün ölkəmizdə “Elektron Azərbaycan” Dövlət Proqramı çərçivəsində səhiyyə sahəsində elektron xidmətlərin genişləndirilməsi uğurla həyata keçirilir”. Səhiyyə Nazirliyinin Səhiyyənin İnformasiyalaşdırılması Mərkəzinin direktoru Cəbrayıl Əsədzadə tibbi məlumatların elektronlaşdırılması istiqamətində yeniliklərin əhəmiyyətini vurğuladı: “Ölkəmizdə innovasiyaların tətbiqinin genişləndirilməsi üçün səmərəli mexanizmlərin yaradılması nəzərdə tutulur. “Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi” proqramı çərçivəsində hazırlanacaq səhiyyə informasiya sistemi özündə elektron səhiyyə məlumatlarını, elektron resepti, elektron tibbi uçotun aparılmasını, mərkəzi rəqəmsal qeydiyyat sisteminin yaradılmasını və digər komponentləri birləşdirəcəkdir”. Estoniyada elektron səhiyyənin standartlaşdırılması ilə məşğul olan ekspertlər – professor Piter Ross  və Valentin Skibçik təcrübələrini bölüşdülər və  hazırda Estoniyada istifadə olunan elektron səhiyyə modeli ilə iştrakçıları ətraflı tanış etdilər.

Səmərəli fikir mübadiləsi şəraitində keçən seminarda müxtəlif ölkələrdə tətbiq olunan elektron səhiyyə standartları geniş təhlil olundu.

Şəkillərlə burada tanış olmaq olar.