• İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

30 NOYABR 2018

Sumqayıt Musiqi Kollecində “Reproduktiv sağlamlıq və ailə planlaşdırılması, erkən nikahların fəsadları” mövzusunda tədbir keçirildi

Səhiyyə Nazirliyinin İctimai Səhiyyə və İslahatlar Mərkəzi (İSİM) əhalinin sağlamlığının qorunması istiqamətində maarifləndirmə tədbirlərini davam etdirir.

İSİM-in dəstəyi və Azərbaycan Respublikasının Ailə, Qadın və Uşaq Problemləri üzrə Dövlət Komitəsinin təşəbbüsü ilə təşkil olunan növbəti tədbir 30 noyabr 2018-ci il tarixdə Azərbaycan Respublikası Təhsil Nazirliyinin tabeliyində olan Sumqayıt Musiqi Kollecində keçirildi.

Kollecin direktoru Rasim Quliyev tədbiri giriş sözü ilə açaraq bildirdi ki, tibbi maarifləndirmə işinin aparılması əhalinin, xüsusilə də gənc nəslin sağlamlığının qorunmasında böyük rol oynayır. Ailə, Qadın və Uşaq Problemləri üzrə Dövlət Komitəsinin Ailə problemləri şöbəsinin müdir müavini Kamila Əliyeva  ailə, qadın və uşaq məsələləri ilə bağlı həyata keçirilən dövlət siyasəti barədə çıxış edərək, ailələri narahat edən problemlər və onların həlli istiqamətində görülən işlərdən danışdı.  İSİM-in həkim-metodisti, ginekoloq Afət Məmmədova tələbə qızlar qarşısında geniş təqdimatla çıxış edərək, onlara reproduktiv sağlamlıq və ailə planlaşdırılması, erkən nikahların fəsadları barədə ətraflı məlumat verdi. Erkən yaşlarda nikahın və hamiləliyin yeniyetmələrin sağlamlığını ciddi təhlükə ilə üz-üzə qoyduğunu vurğulayan mütəxəssis gənc nəslə daha məsuliyyətli olmağı, səhhəti ilə bağlı məsələlərə biganə yanaşmamağı tövsiyə etdi. A.Məmmədova iştirakçıların nəzərinə çatdırdı ki, gənclərin reproduktiv sağlamlıqlarına vaxtında göstərdikləri diqqətin nəticəsi gələcəkdə ana və uşaq ölümlərinin azalması, təhlükəsiz doğuşların aparılması, sağlam körpələrin dünyaya gəlməsi deməkdir.

Tədbir çərçivəsində “Azərbaycan ailəsi” film festivalına təqdim olunan “Onlardan biri mənəm” və “Ailə bir ağacdır” sosial çarxlarının, “Olum və ya ölüm” qısametrajlı filminin  nümayişi maraqla izlənildi.

Yekunda mövzu ilə bağlı səmərəli fikir mübadiləsi aparıldı, tələbələrə reproduktiv sağlamlıq və ailə planlaşdırılması ilə bağlı İSİM tərəfindən hazırlanmış maarifləndirici materiallar paylanıldı.

Şəkillərlə burada tanış olmaq olar.