“Uşaqların sağlamlığı sahəsində inkişafın ölçülməsi” mövzusunda seminar keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

22 NOYABR 2018

“Uşaqların sağlamlığı sahəsində inkişafın ölçülməsi” mövzusunda seminar keçirildi

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzində (İSİM) 20-22 noyabr 2018-ci ildə “Uşaqların sağlamlığı sahəsində inkişafın ölçülməsi” mövzusunda seminar keçirildi. Tibb işçiləri üçün nəzərdə tutulan seminarda Səhiyyə Nazirliyinin, Elmi Tədqiqat Pediatriya İnstitutunun, Respublika Perinatal Mərkəzinin, Elmi Tədqiqat Mamalıq və Ginekologiya İnstitutununBakı baş Səhiyyə İdarəsinin, İnformatika və Statistika İdarəsinin, İSİM-in mütəxəssisləri, həkimlər iştirak edirdilər.

İSİM-in direktoru Qəhrəman Haqverdiyev giriş sözü ilə çıxış edərək,  ölkəmizdə “Ana və uşaqların sağlamlığının yaxşılaşdırılmasına dair 2014-2020-ci illər üçün Dövlət Proqramı”nın qəbul olunduğunu və bu istiqamətdə mühüm tədbirlər görüldüyünü bildirdi. O, monitorinqin və onun əsasında təhlillərin aparılmasının  əhəmiyyətini vurğulayaraq, ana və uşaqların sağlamlığının qorunması sahəsində monitorinq sisteminin yaradılmasının Dövlət Proqramında, Səhiyyə Nazirliyinin Tədbirlər Planında yer alan əsas məsələlərdən biri olduğunu diqqətə çatdırdı. Səhiyyə Nazirliyinin İnformatika və Statistika İdarəsinin müdiri Şahin Xasiyev ana və uşaqların sağlamlığının qorunması sahəsində monitorinq sisteminin, hamilə qadınların vahid elektron registrinin yaradılmasının mühüm addım olduğunu bildirdi. 

Southampton Universitetinin demoqrafiya üzrə elmlər namizədi Endryu Çannon (Andrew Channon) seminar iştirakçılarını səhiyyə sistemləri üzrə monitorinq və qiymətləndirmə işinin aparılmasına dair təlimatlarla tanış etdi. Ekspert ümumi səhiyyə sistemlərinin qiymətləndirilməsi üzrə ən çox istifadə edilən təhlil metodları, əsas göstəricilərdən istifadə barədə ətraflı məlumat verərək, Azərbaycan üzrə uşaqların sağlamlıq göstəciləri ilə bağlı geniş təqdimatla çıxış etdi. Səmərəlıi fikir mübadiləsi şəraitində keçən seminarda səhiyyə sistemləri nəzəriyyəsi, qiymətləndirmə və çərçivə, göstəricilərin hesablanması və qruplaşdırılması, göstəricilərə ümumi baxış: sistem nəzəriyyəsi mövzuları üzrə qrup müzakirələri aparıldı, nəticələr təhlil olundu.

Qeyd edək ki, Southampton Universitetinin Sosial statistika və demoqrafiya fakültəsində çalışan, müxtəlif ölkələrdə UNICEF və Ümumdünya Səhiyyə Təşkilatı  ilə iş təcrübəsinə malik Endryu Çannon tərəfindən keçirilən təlimlərin əsas məqsədi səhiyyə sistemləri üzrə monitorinq və qiymətləndirmə çərçivəsini daha geniş kontekstdə izah etməkdir.

Şəkillərlə burada tanış olmaq olar.