• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

13 MART 2018

İncəsənət Kollecinin tələbələrinə reproduktiv sağlamlığın qorunması mövzusunda mühazirə oxundu

13 mart 2018-ci il tarixdə Azərbaycan Rəssamlıq Akademiyası nəzdində İncəsənət Kollecində  tələbə qızlar üçün “Reproduktiv sağlamlıq və ailə planlaşdırılması: mövcud problemlər və onların həlli” mövzusunda tədbir keçirildi. Tədbir Azərbaycan Respublikasının Ailə, Qadın və Uşaq Problemləri üzrə Dövlət Komitəsinin təşəbbüsü, Səhiyyə Nazirliyinin İctimai Səhiyyə və İslahatlar Mərkəzinin (İSİM) dəstəyi ilə təşkil edildi.

İncəsənət Kollecinin təlim-tərbiyə işləri üzrə direktor müavini Həşim Paşayev tədbiri giriş sözü ilə açaraq bildirdi ki, tibbi maarifləndirmə işinin aparılması əhalinin, xüsusilə də gənc nəslin sağlamlığının qorunmasında böyük rol oynayır. İSİM-in həkim-metodisti, ginekoloq Afət Məmmədova tələbələr qarşısında çıxış edərək, onlara reproduktiv sağlamlıq və ailə planlaşdırılması mövzusu ilə bağlı geniş məlumat verdi. Mühazirədə həmçinin reproduktiv qabiliyyətə mənfi təsir göstərən amillərdən, o cümlədən abortların qadın sağlamlığına mənfi təsirindən bəhs olundu, cinsi yolla yoluxan infeksiyalarla mübarizə metodları və gigiyena qaydalarına riayət edilməsinin vacibliyi tələbələrin diqqətinə çatdırıldı. Ailə, Qadın və Uşaq Problemləri üzrə Dövlət Komitəsi tərəfindən təqdim olunan “Olum və ya ölüm” qısametrajlı filmi ailə planlaşdırılmasının düzgün qurulmaması nəticəsində məcburi aborta müraciət edən qadınları və sonradan hər iki valideynin peşmançılığını əks etdirirdi.

Tədbirin sonunda iştirakçılara reproduktiv sağlamlıq və ailə planlaşdırılması mövzusunda İSİM tərəfindən hazırlanan maarifləndirici materiallar paylanıldı.