• İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

12 OKTYABR 2017

İSİM-in nümayəndəsi Gürcüstanda keçirilən “Tütün məmulatlarının qeyri-qanuni ticarətinin aradan qaldırılması haqqında” seminarda iştirak edir

10-12 oktyabr 2017-ci il tarixlərdə Gürcüstanın Tiflis şəhərində “Tütün məmulatlarının qeyri-qanuni ticarətinin aradan qaldırılması haqqında” Protokolun qüvvəyə minməsinə dəstək məsələləri üzrə çoxsektorlu seminar keçirilir. Gənc müstəqil dövlətlər üçün nəzərdə tutulan seminar Ümumdünya Səhiyyə Təşkilatının (ÜST) Tütünə qarşı mübarizə haqqında Çərçivə Konvensiyasının Katibliyinin və ÜST-nin Avropa Regional Bürosunun dəstəyi ilə həyata keçirilir.

Azərbaycan Respublikasını seminarda Səhiyyə Nazirliyinin İctimai Səhiyyə və İslahatlar Mərkəzinin Əhalinin sağlamlığı şöbəsinin müdiri Tofiq Musayev, Xarici İşlər Nazirliyinin təmsilçisi Arif Məmmədov və Dövlət Gömrük Komitəsinin nümayəndəsi Güloğlan Muradlı təmsil edirlər.

Üç gün davam edəcək seminarda tütün sənayesi, “Tütün məmulatlarının qeyri-qanuni ticarətinin aradan qaldırılması haqqında” protokolun ümumi müddəaları, öhdəlikləri, protokol əsasında nəzarət qaydaları, sanksiyalar, beynəlxalq əməkdaşlıq barədə müzakirələr aparılacaq. Seminar çərçivəsində həmçinin ÜST-nin Avropa Regional Bürosunun ekspertləri tərəfindən ikili görüşlər təşkil olunacaq.