• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

19 MAY 2017

Şəmkirdə “Məktəblilərin sağlam qidalanması” mövzusunda təlim keçirildi

Səhiyyə Nazirliyinin İctimai Səhiyyə və İslahatlar Mərkəzi (İSİM) Azərbaycan Respublikasının Prezidenti yanında Bilik Fondu ilə birgə 19 may 2017-ci il tarixdə Şəmkir Bilik Evində təlim keçirdi. Şəmkir rayon məktəbliləri, müəllim və valideynlərin iştirak etdiyi təlim məktəblilərin sağlam qidalanmasına həsr olunmuşdu.

İSİM-in həkim-metodisti Şəhla Mirzəzadə iştirakçılara sağlam qidalanma ilə bağlı ətraflı məlumat verdi. O bildirdi ki, sağlam qidalanma dedikdə balanslı bölünmüş zülal, karbohidrat, yağ, su, vitaminlər və minerallarla zəngin müxtəlif qida maddələrinin qəbulu nəzərdə tutulur. Sadəcə protein və ya karbohidratlarla qidalanmağın yanlış olduğunu vurğulayan mütəxəssis, xüsusən gənc nəslin sağlam inkişafında vitaminlərin, mineralların vacib rol oynadığını diqqətə çatdırdı.

İSİM-in mütəxəssisi Aysel Əkbərzadə məktəblilərin hər yaşa uyğun düzgün qidalanmasının əhəmiyyətindən söz açdı. O bildirdi ki, məktəbəqədər və məktəbyaşlı uşaqlar hər gün ən azı dörd dəfə qida qəbul etməli, qida qəbulları arasında meyvə və tərəvəzlər yeyilməlidir.

Təlimin sonunda iştirakçılara İSİM-in məktəbyaşlı uşaqlar üçün sağlam qidalanma mövzusunda hazırladığı məlumatlandırıcı materiallar paylanıldı.