Vakansiyanın adı – Şöbə müdirinin müavini (həkim), 1.0 ş.v

Struktur vahidinin adı – Səhiyyə kommunikasiyası şöbəsi.

Vəzifə funksiyaları - ictimai sağlamlıq sahəsinə aid müvafiq sənədlərin hazırlanması, baxılması, qiymətləndirilməsi və onlara rəyin verilməsi; sağlamlıq sahəsində əhalinin maarifləndirilməsi ilə bağlı tədbirlərin təşkil edilməsi, maarifləndirici materialların hazırlanması, Bakı və Respublikanın rayonlarında müxtəlif əhali qruplarının qarşısında çıxış və təqdimatların edilməsi; sorğu, məktub və müraciətlərin cavablandırılması; media nümayəndələri ilə görüşlərin təşkili, press-relizlərin hazırlanması; aidiyyəti kommunikasiya/maarifləndirici tədbirlərin və fəaliyyətlərin həyata keçirilməsinə nəzarət edilməsi; rəhbərlik tərəfindən tapşırılmış digər aidiyyəti vəzifələrin yerinə yetirilməsi; şöbə müdiri olmadıqda (məzuniyyət, ezamiyyət və s. zamanı) onun əvəz edilməsi.

İş vaxtı - şənbə və bazar günlərindən başqa hər gün saat 9-dan 17-30-dək.

Nahar fasiləsi – saat 13:00-dan 13:30-dək.

TƏLƏBLƏR:

Təhsil – ali tibb təhsili. Sosial gigiyena və səhiyyənin təşkili ixtisası olanlara, bu ixtisas üzrə və ya media və kommunikasiya ilə bağlı təlimlərdə iştirak edənlərə üstünlük verilir.

İş stajı – ixtisas üzrə 3 ildən çox fəaliyyət.

Dilləri bilmə – azərbaycan dilində sərbəst oxumaq, yazmaq və danışmaq (rus və/və ya ingilis dillərini yaxşı bilənlərə üstünlük verilir).

Kompüter bilikləri – MS Office (Word, Excel, Power Point), MS Outlook proqramlarından və İnternet resurslarından sərbəst istifadə bacarıqları. Adobe Photoshop, Adobe Illustrator, CorelDRAW proqramlarını bilənlərə üstünlük verilir.

Xüsusi bacarıqlar – idarəetmə, təşkilatçılıq, auditoriya qarşısında təqdimat və çıxış etmə bacarıqları; işdə dəqiqlik və detallara fikir vermək qabiliyyəti; yaxşı ünsiyyət və komanda ilə işləmək bacarığı.

Vakansiyalar və işə qəbulla bağlı tələb olunan sənədlər haqqında ətraflı məlumat əldə etmək üçün (012) 430 14 86 telefon nömrəsinə zəng və ya [email protected] elektron ünvanına müraciət edə bilərsiniz.

Vakansiya ilə maraqlanan şəxslər yalnız Səhiyyə Nazirliyi İctimai Səhiyyə və İslahatlar Mərkəzinin (İSİM) CV formasını dolduraraq [email protected] elektron ünvanına, Subject/Mövzu hissəsində vəzifənin adını qeyd etməklə, göndərə bilərlər. CV-lər həmçinin İSİM-in Kadrlar şöbəsinə (H.Zərdabi küçəsi 96, 2-ci mərtəbə, 7-ci otaq) təqdim edilə bilər. CV-lər həftənin I-V günləri saat 9:30-dan 12:30-dək qəbul olunur.

Namizədlərin nəzərinə! İSİM-ə işə qəbulla bağlı müraciət edənlərdən yalnız vəzifə tələblərinə uyğun gələn namizədlərlə əlaqə saxlanılacaqdır.

CV formasını buradan yükləyə bilərsiniz.