Koqnitiv, ünsiyyət və özünəqulluq bacarıqlarının inkişafı, hərəkət və psixi inkişafda geriləmənin valideyn tərəfindən erkən aşkarlanması məqsədilə vahid standartların (PEDS+, PEDS) və həkimlər tərəfindən erkən aşkarlanması üzrə standartların (PEDS+, İDİR) yaradılması

Azərbaycan Respublikası Prezidentinin 10.05. 2018-cı il tarixli 64 nömrəli Sərəncamı ilə təsdiq edilmiş “Uşaqlıq dövrünə xas olan əlilliyin erkən profilaktikası və müalicəsi üzrə 2018-2020-ci illər üçün Milli Fəaliyyət Planı”nın icrasını təmin etmək məqsədilə Azərbaycan Respublikası Səhiyyə Nazirliyinin 29.11.2018-ci il tarixli 86 nömrəli əmri ilə təsdiq edilmiş Tədbirlər Planının 5.1.4. (Erkən aşkarlanma, profilaktika və erkən müdaxilə ilə bağlı yeni beynəlxalq metodikaya əsaslanaraq aşkarlama üçün istifadə olunmalı texniki avadanlığın DA (fetal exokardioqrafiya və USM, audiometriya, fiziki reabilitasiya) müəyyən edilməsini nəzərə alaraq milli metodikanın və standartların yaradılması) bəndinin icrası İctimai Səhiyyə və İslahatlar Mərkəzinə həvalə edilmişdir.

Bu məqsədlə, Ümumdünya Səhiyyə Təşkilatı və digər beynəlxalq təşkilatların təlimatlarına əsaslanan “Koqnitiv, ünsiyyət və özünəqulluq bacarıqların inkişafı, hərəkət və psixi inkişafda geriləmənin valideyin tərəfindən erkən aşkarlanması üzrə standartlar (PEDS+, PEDS)” və “Koqnitiv, ünsiyyət və özünəqulluq bacarıqların inkişafı, hərəkət və psixi inkişafda geriləmənin həkimlər tərəfindən erkən aşkarlanması üzrə standartlar (PEDS+, İDİR)” işlənib hazırlanıb. Sənədlərin son variantı Səhiyyə Nazirliyinin Elmi-Tibbi Şurasına təqdim olunmuşdur.

“Koqnitiv, ünsiyyət və özünəqulluq bacarıqlarının inkişafı, hərəkət və psixi inkişafda geriləmənin valideyin tərəfindən erkən aşkarlanması üzrə standartlar (PEDS+, PEDS)” 25 dekabr 2019-cu il tarixdə Elmi-Tibbi Şuranın 30 nömrəli qərarı ilə təsdiq olunmuşdur.

“Koqnitiv, ünsiyyət və özünəqulluq bacarıqlarının inkişafı, hərəkət və psixi inkişafda geriləmənin həkimlər tərəfindən erkən aşkarlanması üzrə standartlar (PEDS+, İDİR)” rəy üçün göndərilmişdir.