• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM-də "Yenidoğulmuşların reanimasiyası" üzrə növbəti praktik təlimlər keçirilir
  • Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

14 APREL 2017

Bakı və Xızı məktəblərində “Məktəbli uşaqlar arasında sağlam vərdişlərin tədqiqi” sorğusu yekunlaşdı

2017-ci il aprelin 11-dən etibarən Bakı şəhəri və Xızı rayonunda tam orta məktəblərin  5, 7 və   9-cu sinif şagirdlərinin cəlb olunduğu “Məktəbli uşaqlar arasında sağlam vərdişlərin tədqiqi” sorğusuna yekun vuruldu.

Qeyd edək ki, ölkəmizdə ilk dəfə olaraq, pilot layihə çərçivəsində “Məktəbli uşaqlar arasında sağlam vərdişlərin tədqiqi” ilə bağlı sorğu aparılır. Bu məqsədlə, Ümumdünya Səhiyyə Təşkilatının metodologiyası əsasında, xüsusi olaraq Azərbaycanın məktəbli mühitinə uyğunlaşdırılmış 60-dan çox sualdan ibarət Azərbaycan və rus dillərində anketlər hazırlanıb.

 “Azərbaycan Respublikasında qeyri-infeksion xəstəliklərə qarşı mübarizəyə dair 2015-2020-ci illər üzrə Strategiya”ya və “Azərbaycan Respublikası Səhiyyə Nazirliyinin 2014-2020-ci illər üçün Strateji Planı üzrə Fəaliyyət planı”nın 4.2-ci bəndinə əsasən təşkil olunan sorğu Səhiyyə Nazirliyinin İctimai Səhiyyə və İslahatlar Mərkəzi tərəfindən  Azərbaycan  Respublikası Təhsil Nazirliyinin dəstəyi ilə həyata keçirilir. 

Bakı və Xızı məktəblilərinin sağlamlıq vəziyyətinin qiymətləndirilməsi və onların səhhətinə zərərli təsir göstərən amillərin aşkar edilməsi məqsədilə aparılan sorğudan artıq maraqlı ilkin nəticələr əldə olunub. Ümumilikdə isə, pilot sorğuda 1350 şagirdin iştirakı nəzərdə tutulur. Sorğu tamamlandıqda, əldə edilmiş məlumatlar xüsusi olaraq IBM şirkətinin SPSS kompyuter proqramı vasitəsi ilə aprel ayının sonunda təhlil ediləcək və nəticələr əsasında hesabat hazırlanacaq. Sorğunun nəticələri Səhiyyə Nazirliyi, Təhsil Nazirliyi, müvafiq dövlət qurumları, mətbuat nümayəndələri, təhsil və səhiyyə mütəxəssislərinin iştirakı ilə bu ilin mayında geniş müzakirə olunacaq, bu istiqamətdə verilən təklif və tövsiyələr nəzərdən keçiriləcək.

Qeyd edək, sorğu 18-21 apreldə Sumqayıt şəhər məktəblərində aparılacaq.