• Bakı Dövlət Rabitə və Nəqliyyat Kollecinin tələbələri üçün “Zərərli vərdişlərə “Yox!” deyək” mövzusunda maarifləndirici tədbir təşkil edildi
  • 2 nömrəli Bakı Baza Tibb Kollecinin tələbələri tütünün təhlükələri barədə maarifləndirildilər
  • Ümumdünya Tütünsüz Günü ərəfəsində "Elektron Hökumət Təlim-Tədris Mərkəzində tütünə qarşı mübarizə ilə bağlı tədbir keçirildi
  • İSİM-in nümayəndələri Türkiyədə "Ağ ciyər və süd vəzi xərçəngləri" mövzusuna həsr olunmuş tədbirdə iştirak ediblər
  • Ulu öndər Heydər Əliyevin anadan olmasının 95-ci ildönümü İSİM-də qeyd olundu
  • Şagirdlər ətraf mühitin insan sağlamlığına təsiri barədə maarifləndirildilər
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

24 FEVRAL 2016

İSİM ana və uşaqların sağlamlığının qorunması istiqamətində fəaliyyətini davam etdirir

2016-cı il fevralın 20-dən etibarən Bakının Mərkəzi Neftçilər Xəstəxanası və Astara Rayon Mərkəzi Xəstəxanasında neonatal reanimasiya üzrə təlimlərə başlanılıb. Təlimlərdə həkimlər, mamalar və tibb bacıları iştirak edirlər. Fevralın 28-nə kimi davam edəcək təlimlərdə təlimçi qismində türkiyəli mütəxəssislərlə yanaşı, Səhiyyə Nazirliyinin İctimai Səhiyyə və İslahatlar Mərkəzinin (İSİM) mütəxəssisi Nahidə Mahmudova çıxış edir.

Təlimlər “Ana və uşaqların sağlamlığının yaxşılaşdırılmasına dair 2014-2020-ci illər üçün Dövlət Proqramı”nın həyata keçirilməsi üzrə Səhiyyə Nazirliyinin Tədbirlər Planına müvafiq olaraq və “Xoş Gəldin Körpə” Ana və Uşaq Sağlamlığını Dəstəkləmə layihəsi çərçivəsində həyata keçirilir.

“Xoş Gəldin Körpə” Ana və Uşaq Sağlamlığını Dəstəkləmə layihəsi Türkiyə Respublikası Başnazirliyi Türk Əməkdaşlıq və Koordinasiya Agentliyi (TİKA) tərəfindən ana və uşaq sağlamlığının qorunması və körpə ölümlərinin azaldılmasının dəstəklənməsi məqsədilə 2014-cü ildən etibarən həyata keçirilir.

Layihə çərçivəsində 2014 və 2015-ci illərdə neonatal reanimasiya təlimçisi olaraq yetişdirilən 4 azərbaycanlı təlimçinin iştirakı ilə Bakı, Balakən, Qəbələ, Şəmkir, Ağcabədi rayonları və Naxçıvan Muxtar Respublikasında təşkil olunan təlim proqramlarında 190 həkim, 275 mama və tibb bacısı olmaqla, cəmi 465 səhiyyə işçisi təlim alıb. Təlimlər ilə yanaşı, geniş ictimaiyyəti məlumatlandıracaq broşür, afişa və internet banner yayımı ilə dəstəklənən kampaniya ilə regionları da əhatə edən genişmiqyaslı maarifləndirmə işi aparılıb. Həmçinin mama, tibb bacıları və əmizdirmə rəhbəri olaraq layihədə iştirak edən könüllü qadınlara təlimlər keçirilib.