15 OKTYABR 2015

İSİM hərbi hissələrdə maarifləndirmə görüşlərini davam etdirir

Səhiyyə Nazirliyinin İctimai Səhiyyə və İslahatlar Mərkəzi (İSİM) “Azərbaycan gəncliyi 2011-2015-ci illərdə Dövlət Proqramı”nın həyata keçirilməsi üzrə Azərbaycan Respublikası Səhiyyə Nazirliyinin Tədbirlər Planına uyğun olaraq, hərbi xidmətdə olan gənclər arasında maarifləndirməni davam etdirir. Məqsəd hərbi xidmətdə olan gənclər arasında narkomaniyanın, alkoqolizmin, tütünçəkmənin və digər sosial neqativ halların profilaktikasına, eləcə də öz sağlamlığına qarşı məsuliyyət hissinin gücləndirilməsidir.

2015-ci ilin oktyabr ayında keçirilən təbliğat xarakterli görüşlərdə İSİM-in mütəxəssisləri Səbuhi Abdullayev, Tofiq Musayev və Rüfət Rəhimov tərəfindən mühazirələr deyildi.

İnteraktiv şəkildə keçirilən görüşlərdə hərbi xidmətdə olan gənclərə mövzulara dair İSİM tərəfindən hazırlanmış maarifləndirmə materialları paylanıldı.