• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

5 İYUN 2015

“Sifilisin diaqnostika və müalicəsi üzrə klinik protokol” Səhiyyə Nazirliyi tərəfindən təsdiq edildi

Səhiyyə Nazirliyinin İctimai Səhiyyə və İslahatlar Mərkəzində (İSİM) hazırlanmış növbəti klinik protokol Səhiyyə Nazirliyinin Kollegiyasının 21 may 2015-ci il tarixli 23 saylı qərarı ilə təsdiq edildi.

Qabaqcıl tibb mütəxəssislərinin tərtib etdiyi “Sifilisin diaqnostika və müalicəsi üzrə klinik protokol” həkim-dermatoveneroloqlar, mama-ginekoloqlar, pediatrlar, nevroloqlar, psixiatrlar, kardioloqlar, oftalmoloqlar, otorinolarinqoloqlar, terapevtlər, uroloqlar, infeksionistlər üçün nəzərdə tutulub. Klinik protokol sifilisli xəstələri və onlarla təmasda olan şəxsləri əhatə edir.

Protokol sifilis zamanı aparılan müalicə və diaqnostika tədbirlərinin və dərman vasitələrinin spektrinin beynəlxalq standartlarına uyğunlaşdırılması üzrə sübutlu təbabətə əsaslanan tövsiyələrin verilməsi məqsədini daşıyır. Bu protokol müəyyən tibbi müdaxilənin effektivliyi ilə bağlı ən etibarlı elmi məlumatlar əsasında tərtib olunub.

“Sifilisin diaqnostika və müalicəsi üzrə klinik protokol” xüsusi tibbi müdaxilələrin səmərəliliyi ilə əlaqədar olan ən etibarlı elmi məlumatlar əsasında tərtib olunub. Protokolun hazırlanmasında ABŞ Xəstəliklərə Nəzarət və Profilaktika üzrə Mərkəz (Centers for Disease Control and Prevention, CDC), Avropa Xəstəliklərə Nəzarət və Profilaktika üzrə Mərkəz (European Centre for Disease Prevention and Control), Böyük Britaniya Cinsi Sağlamlıq və İİV Assosiasiyası (British Association for Sexual Health and HIV), Ümumdünya Səhiyyə Təşkilatı (WHO) kimi mənbələrin tədqiqatlarının nəticələrindən istifadə edilib.

Hazırda İSİM-də həmin protokolun nəşr üçün hazırlanması üzrə işlər aparılır.