İSİM-in nümayəndəsi Türkiyədə keçirilmiş Beynəlxalq Tütünə Nəzarət Simpoziumunda Azərbaycanı təmsil etdi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

27 MART 2015

İSİM-in nümayəndəsi Türkiyədə keçirilmiş Beynəlxalq Tütünə Nəzarət Simpoziumunda Azərbaycanı təmsil etdi

Tütün əleyhinə uğurlu addımlar atan Türkiyə tütünə nəzarət üzrə regionda lider ölkədir. Türkiyə dünyada insanları tütün tüstüsündən qorumaq məqsədilə Ümumdünya Səhiyyə Təşkilatının (ÜST) MPOWER adlı tütünlə mübarizə tədbirlər kompleksinin bütün tələblərini hərtərəfli həyata keçirən ilk ölkə olub. Bu gün Türkiyədə Tütünə qarşı mübarizə haqqında ÜST-nin Çərçivə Konvensiyası və onun maddələrinin Rəhbər Prinsipləri yüksək səviyyədə tətbiq edilir. Bu ölkədə 2014-cü ildə Azərbaycanın da iştirak etdiyi “Tütün və Sağlamlıq” üzrə 6-cı Avropa Konfransı keçirilib. Məhz bu baxımdan və görülən tədbirlərin davamı kimi, 2015-ci il martın 24-26-də Türkiyənin Ankara şəhərində ABŞ-ın Milli Sağlamlıq İnstitutları və Milli Xərçəng İnstitutu, Türkiyənin Tütün və Alkoqol Satışını Tənzimləyən Təşkilatı, ÜST və Türkiyənin Hacettepe Universitetinin İctimai Səhiyyə İnstitutunun birgə təşkilatçılığı və dəstəyi ilə Beynəlxalq Tütünə Nəzarət Simpoziumu keçirildi. Simpoziumun keçirilməsində məqsəd ABŞ, Türkiyə və regional tütünə nəzarət üzrə mütəxəssislər və hökumət nümayəndələrinin əməkdaşlığı ilə Türkiyədə, eləcə də qonşu regionda tütünə nəzarət tədqiqatlarına dəstək vermək idi.

Bosniya və Herseqovina, Bolqarıstan, Xorvatiya, Gürcüstan, İran, İordaniya, Kosovo, Moldova, Rumıniya, Serbiya, Türkiyə və ABŞ nümayəndələrinin iştirak etdiyi simpoziumda Azərbaycanı Səhiyyə Nazirliyinin İctimai Səhiyyə və İslahatlar Mərkəzinin (İSİM) Əhalinin sağlamlığı şöbəsinin müdiri Tofiq Musayev təmsil etdi.

Simpoziumun açılış mərasimində ÜST, ABŞ-ın Milli Xərçəng İnstitutu və Milli Sağlamlıq İnstitutları, Türkiyə Cümhuriyyətinin Səhiyyə Nazirliyi və digər mötəbər təşkilatların nümayəndələri çıxış etdilər. Simpozium ərzində Türkiyədə tütünə nəzarətin inkişaf mərhələləri, “Tütünçəkmədən imtinaya dair milli proqram”, “Tütünə nəzarət proqramında nəzərdə tutulmuş gələcək addımlar və çağırışlar” mövzularında məruzələr dinlənildi. Bundan əlavə, “Tütün epidemiyasının 50 ili – ABŞ təcrübəsi”, bu təcrübə sayəsində çıxarılmış nəticələr, tütünün zərərləri ilə siyasi, hüquqi və elmi çərçivədə mübarizə yollarından söhbət açıldı.

Simpoziumda ölkə nümayəndələri həmçinin tütün məmulatlarının qablaşdırılması, sağlamlığa dair xəbərdarlıqlar, tütün məmulatlarının, o cümlədən elektron siqaretlərin satışına dair məhdudiyyətlər ilə əlaqədar bilik və təcrübə mübadiləsi apardılar. Azərbaycanda tütünlə mübarizə istiqamətində son illərin nailiyyətləri barədə İSİM-in Əhalinin sağlamlığı şöbəsinin müdiri Tofiq Musayevin təqdimatı maraqla qarşılandı.

Panel müzakirələrdə tütünə nəzarət istiqamətində əməkdaşlığın gücləndirilməsi məsələləri ətrafında fikir mübadiləsi aparıldı, tövsiyələr dinlənildi, gələcək addımlar müəyyənləşdirildi.