• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

2 İYUN 2014

İSİM-in nümayəndəsi Türkiyənin Antalya şəhərində “Tam Bazar Yanaşmasını tətbiq edən Siyasətin müdafiəsi” mövzusunda seminarda iştirak etdi

2014-cü ilin mayın 27-30-da BMT-nin Əhali Fondunun Şərqi Avropa-Orta Asiya Regional Ofisinin (UNFPA EECARO) təşəbbüsü ilə Türkiyənin Antalya şəhərində “Tam Bazar Yanaşmasını tətbiq edən Siyasətin müdafiəsi” mövzusunda seminar keçirildi. Regionun 17 ölkəsindən nümayəndələrin iştirak etdiyi seminarda Azərbaycanı AR İnsan Hüquqları üzrə Müvəkkili Elmira Süleymanova, Ombudsman Aparatının Protokol sektorunun rəhbəri Yeganə Cəfərova, Səhiyyə Nazirliyinin Mama-ginekologiya üzrə Baş mütəxəssisi və Elmi-Tədqiqat Mamalıq və Ginekologiya İnstitutunun direktoru Faizə Əliyeva, Səhiyyə Nazirliyinin İctimai Səhiyyə və İslahatlar Mərkəzinin (İSİM) həkim-metodisti Teymur Hüseynov və Azərbaycanda UNFPA nümayəndəliyinin Reproduktiv Sağlamlıq və Gənclər proqramları üzrə mütəxəssisi Ramiz Hüseynov təmsil etdilər.

Seminar çərçivəsində iştirakçılar “PATH” təşkilatının nümayəndələrinin rəhbərliyi altında reproduktiv sağlamlıq və ailə planlaşdırılması sahəsində siyasəti tənzimləyən qanun və normativ sənədlərdə tam bazar yanaşmasının əks etdirilməsi üçün vacib müdafiə tədbirlərinin görülməsini öyrəndilər.