İSİM-in nümayəndələri Bakı Neft-Energetika Kolleci nəzdində 5 saylı Füzuli köçkün məktəbində “Siqaretə və narkomaniyaya “Yox” deyək!” mövzusunda tədbirdə iştirak etdilər | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

7 FEVRAL 2014

İSİM-in nümayəndələri Bakı Neft-Energetika Kolleci nəzdində 5 saylı Füzuli köçkün məktəbində “Siqaretə və narkomaniyaya “Yox” deyək!” mövzusunda tədbirdə iştirak etdilər

2014-cü il fevralın 7-də Səhiyyə Nazirliyinin İctimai Səhiyyə və İslahatlar Mərkəzinin (İSİM) nümayəndələri Pərvin Quliyeva, Aydan Əliyeva və Leyla Əliyeva Bakı Neft-Energetika Kolleci nəzdində 5 saylı Füzuli köçkün məktəbində “Siqaretə və narkomaniyaya “Yox” deyək!” mövzusunda tədbirdə iştirak etdilər. 7 fevral Milli Qəhrəman Mübariz İbrahimovun doğum günü olduğundan tədbir iştirakçıları onun ruhunu bir dəqiqəlik sükutla yad etdilər.

“Həyat” Beynəlxalq Humanitar Təşkilatının Qaçqın Qadın və Gənclər Mərkəzinin sədri Zəminə Səfərova, “Hüquq dünyası” İctimai Birliyinin əməkdaşı Nuriyyə Abbasova və başqaları çıxış edərək tütünçəkmənin və narkomaniyanın insan sağlamlığı üçün törətdiyi fəsadlardan bəhs etdilər.

“Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2013-2018-ci illər üçün Dövlət Proqramı”nın həyata keçirilməsi üzrə Azərbaycan Respublikası Səhiyyə Nazirliyinin 25 oktyabr 2013-cü il tarixli 118 nömrəli əmrinə əsasən İSİM-in 2014-cü il üçün İcra Planına əsasən tədbirdə iştirak edən İSİM-in əməkdaşları Pərvin Quliyeva və Leyla Əliyeva tədbirin keçirilməsinin əhəmiyyətini vurğulayaraq belə maarifləndirici tədbirlərin keçirilməsinə dəstək olduqlarını bildirdilər.

Məruzəçilər şagirdlərə sağlam həyat tərzini seçməyə çağırdılar və şagirdlərdən ibarət qrup idman hərəkətlərini nümayiş etdirdilər. Tədbir şagirdlərin zərərli vərdişlərə, o cümlədən narkomaniyaya və tütünə qarşı mübarizə istiqamətində hazırladıqları səhnəciklərlə davam etdi. Tədbir boyunca məktəbin şagirdləri tərəfindən tütünçəkmə və narkomaniyanın insan orqanizminə vurduğu zərərləri özündə əks etdirən rəsmlər çəkildi. Eləcə də şagird-həkimlər şagird-pasiyentlərin suallarını cavablandıraraq tövsiyələrini bildirdilər.

Tədbir iştirakçılarına İSİM tərəfindən hazırlanmış tütünçəkmə, QİÇS-lə mübarizə əleyhinə bukletlər, plakatlar, qələmlər və digər maarifləndirici vəsaitlər paylanıldı.