• “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi

XƏBƏRLƏR bütün xəbərlər

17 YANVAR 2014

İSİM-in əməkdaşı Honkonqda təşkil olunan Səhiyyə və Sosial İnkişafda Davranışa Təsir üzrə Hərtərəfli Marketinq Kommunikasiyası mövzusunda tədris kursunda iştirak etdi

2014-cü il yanvarın 6-17-də Honkonq Universitetinin Jurnalistika və Media Dərsləri Mərkəzi tərəfindən təşkil olunan Səhiyyə və Sosial İnkişafda Davranışa Təsir üzrə Hərtərəfli Marketinq Kommunikasiyası (COMBİ) mövzusunda tədris kursunda Azərbaycandan Səhiyyə Nazirliyinin İctimai Səhiyyə və İslahatlar Mərkəzinin (İSİM) Səhiyyə kommunikasiyası və ictimaiyyətlə əlaqələr şöbəsinin müdiri Aysel Hacıyeva iştirak etdi. Səhiyyə və sosial inkişaf sahəsində davranışlara təsir edəcək strateji kommunikasiyanın planlaşdırılmasına yönəlmiş “COMBİ” yanaşması indiyədək yodlaşdırılmış duz, perinatal qulluq, gənclərin İİV/QİÇS-ə yoluxmasının qarşısının alınması, ana sağlamlığı, erkən uşaq inkişafı, yuvenal ədliyyə, uşaqların müdafiəsi və təhlükəsiz analığın təbliğatı istiqamətində tətbiq edilib.

BMT-nin Uşaq Fondu və Ümumdünya Səhiyyə Təşkilatının Kommunikasiya məsələləri üzrə böyük məsləhətçisi Everold Hoseinin koordinatorluğu ilə keçirilən tədris kursu marketinqin əsas qaydaları, ictimaiyyətlə əlaqələr, ictimai vəkillik, fərdi satış, tibb təhsili və kütləvi kommunikasiya üzrə səhiyyə və sosial inkişaf sahələrində davranışların dəyişdirilməsinə yönəlmiş məqsədlərə nail olunmasını əhatə edirdi. Tədris kursunda iştirakçılar qrup şəklində 10 addımdan ibarət “COMBİ” yanaşmasını səhiyyə və sosial sahəyə aid mövzularda davranışların dəyişdirilməsi üzrə strateji ünsiyyət planının hazırlanması zamanı tətbiq etdilər. Sonda tədris kursunu müvəffəqiyyətlə bitirənlərə, o cümlədən Aysel Hacıyevaya sertifikat təqdim olundu.