İSİM-də “20 Yanvar – Ümumxalq Hüzn Günü”nə həsr olunmuş anım mərasimi keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

17 YANVAR 2014

İSİM-də “20 Yanvar – Ümumxalq Hüzn Günü”nə həsr olunmuş anım mərasimi keçirildi

2014-cü il yanvarın 17-də Səhiyyə Nazirliyinin İctimai Səhiyyə və İslahatlar Mərkəzində (İSİM) “20 Yanvar – Ümumxalq Hüzn Günü”nə həsr olunmuş anım mərasimi keçirildi. İSİM-in kollektivi ilk növbədə 20 Yanvar faciəsində şəhid olanların xatirəsini bir dəqiqəlik sükutla yad etdilər.

İSİM-in direktoru Ceyhun Məmmədov 20 Yanvar faciəsinin tarixə çevrildiyini, Azərbaycanın azadlığı uğrunda mübarizədə şəhidlik zirvəsinə ucalmış həmvətənlərimizin bu gün də xatırlandığını diqqətə çatdırdı. C.Məmmədov Prezident İlham Əliyevin sözlərini sitat gətirdi ki, “bugünkü müstəqil, qüdrətli Azərbaycan xalqımızın ən böyük sərvətidir. Şəhidlərimizin bu işdə böyük xidməti olubdur. Bu da heç vaxt yaddan çıxarılmamalıdır.”

İSİM-in direktor müavini Əliheydər Şahmarov vətən torpaqlarının bütövlüyü uğrunda canından keçən şəhidlərimizin sayəsində bugünkü azadlığı yaşadığımızdan və bu faciədə günahkar olanların araşdırılması istiqamətində Ümummilli Lider Heydər Əliyevin əvəzsiz rolundan bəhs etdi.

20 Yanvar hadisələrinin ölkəmizin tarixində təkcə faciə deyil, həm də qəhrəmanlıq səhifəsi olduğunu bildirən İSİM-in əməkdaşı Vüsal Bayramov həmin gün ləyaqətini qorumaq üçün özünü qurban verməyə hazır olan xalqın tarixində şərəfli səhifənin açıldığını nəzərə çatdırdı: “Bu qanlı hadisələr xalqımızı mənəvi cəhətdən çox sarsıtsa da, itkilərə məruz qoysa da, onun mənliyini tapdalaya, qürurunu sındıra bilmədi, qəhrəmanlıq salnaməsinə yeni səhifə kimi yazıldı.”

20 Yanvar faciəsinin Azərbaycan xalqının XX əsrdə yaşadığı ən böyük faciələrdən olduğunu və müstəqillik qazanmış xalqımızın həmin günü heç vaxt unutmadığını və unutmayacağını deyən İSİM-in rezidenti Türkan Mehyəddinova məruzəsini çağırışla tamamladı: “Bu gün biz gənclər üzərimizə düşən vəzifənin ciddiliyini dərk etməliyik! Şəhidlərimizin qanı bahasına qazanılan müstəqilliyimizi qanımızla və canımızla qorumalı, onu daimi, əbədi və dönməz etməliyik!”

YAP-ın İSİM bölməsinin sədri Yeganə Vəliyeva şahidinə çevrildiyi 20 Yanvar hadisələrini ağır hüznlə xatırladı və gəncləri xalqımızın qəhrəmanlıq səhifələrinə çevrilən faciələri barədə dolğun məlumatlanmağa və gələcək nəslə doğru istiqamətdə çatdırmağa səslədi.

Tədbirin yekununda İSİM-in direktoru C.Məmmədov bir də vurğuladı ki, qanlı hadisələrdən illər keçməsinə baxmayaraq, xalqımız o müdhiş gecəni daim xatırlayır, bu faciəni törədənlərə öz dərin nifrətini bildirir.