• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

15 MAY 2012

“Diabet Məktəblərinin təşkili” layihəsi çərçivəsində təlimlər davam edir

Səhiyyə Nazirliyinin İctimai Səhiyyə və İslahatlar Mərkəzi (İSİM) və Azərbaycan Diabet Cəmiyyətinin birgə “Diabet Məktəblərinin təşkili” layihəsi çərçivəsində şəkərli diabet xəstələri və risk qrupuna aid əhali üçün pulsuz keçirilən təlimlər davam edir.

Şəkərli diabetdən əziyyət çəkən insanlar qanda şəkərin miqdarına düzgün nəzarət etməklə, diabetin fəsadlarının qarşısını ala bilərlər. Təlimlərin keçirilməsində məqsəd də məhz bilik və davranışlara nail olmaqla özünənəzarətin gücləndirilməsidir.

Şəkərli diabet xəstələri üçün mayın 14-də başlanmış təlimlər mayın 18-nə kimi davam edəcək. Risk qrupuna aid əhali üçün isə mayın 21-25-də təlimlərin növbəti mərhələsi keçiriləcək.

Həkim-endokrinoloqun apardığı təlimlər hər ayın 3-cü və 4-cü həftəsində, hər hədəf qrupu üzrə ayrılıqda bir həftə olmaqla həyata keçirilir. Təlimlərdə qanda şəkərin miqdarını ölçmə qaydaları, düzgün qidalanma, fiziki aktivlik, istifadə olunan dərman preparatlarının və ya insulinin dozasının tənzimlənməsi ilə bağlı məsləhətlər verilir. Təlimə gələn diabet xəstələrinə və risk qrupu əhalisinə müxtəlif tədris-metodik vəsaitlər təqdim edilir, onların qanında şəkərin miqdarı hər gün ölçülür və həkimlər tərəfindən nəzarət olunmaqla məlumatlandırılır.