• Şagirdlər üçün “Tütün məmulatlarının insan orqanizminə zərəri” mövzusunda maarifləndirici tədbir keçirildi
  • 11th European Public Health Conference, Ljubljana, Slovenia
  • İncəsənət Kollecinin tələbələrinə reproduktiv sağlamlıq və erkən nikahların fəsadları barədə məlumat verildi
  • Pedaqoji Kollecin tələbələrinə “Müəllim-şagird davranışlarında psixoloji məqamlar” mövzusunda mühazirə oxundu
  • Oğuzda 6 aprel – Ümumdünya Fiziki Aktivlik Gününə həsr olunmuş dəyirmi masa təşkil edildi
  • İSİM Hindistanda “V Beynəlxalq ictimai səhiyyənin idarə edilməsinin inkişafı proqramı”nda təmsil olundu
  • Məktəblilər arasında dispanserizasiya müayinələri aparılır
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

16 MART 2012

İSİM-də Azərbaycanda inteqrasiya edilmiş səhiyyə idarəçiliyi ilə bağlı seminar keçirildi

2012-ci il martın 16-da Səhiyyə Nazirliyinin İctimai Səhiyyə və İslahatlar Mərkəzində (İSİM) Azərbaycanda inteqrasiya edilmiş səhiyyə idarəçiliyi ilə bağlı seminar keçirildi. Səhiyyə Nazirliyinin Səhiyyə Sektorunda İslahatlar Layihəsinin İcra Qrupunun əməkdaşı İsa Əliyev seminar iştirakçılarını salamlayaraq, layihə barədə məlumat verdi. Çıxışda səhiyyə sisteminin potensialının gücləndirilməsinin və əhaliyə keyfiyyətli tibbi xidmətin çatdırılması işinin möhkəmləndirilməsinin layihənin məqsədi olduğu nəzərə çatdırıldı. Eləcə də layihə çərçivəsində beynəlxalq təcrübədən istifadə olunmaqla, Azərbaycanın səhiyyə sistemində idarəçilik üzrə tədris proqramının hazırlanacağı bildirildi.

Avstriyanın FH Krems Universitetinin Səhiyyə idarəçiliyi proqramının direktoru Stefan Baronovski seminarın mövzusunu elan etdi. Gələcək təlimin səhiyyədə qərar verənlər, səhiyyədə işləyən və səhiyyədə işləmək istəyən insanlar üçün keçiriləcəyi qeyd olundu. Azərbaycanın səhiyyə sistemində idarəçilik üzrə tədris proqramının hazırlanması üçün araşdırmaların aparılacağından və beynəlxalq ekspertlər tərəfindən tövsiyələrin veriləcəyindən bəhs edildi. Bu istiqamətdə milli və beynəlxalq səhiyyə sistemlərinin təcrübələrinin nəzərdən keçiriləcəyi bildirildi. S.Baronovski səhiyyə sistemində çalışan mütəxəssislərin idarəçiliyin sirlərinə bələd olmalarının və uğurlu fəaliyyətləri ilə təmsil etdikləri müəssisənin uğurunu təmin etmələrinin vacibliyini vurğuladı. Sonda proqramın tətbiqinə dair iştirakçılar fikir mübadiləsi apardılar.