• “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

12 MART 2012

Səhiyyə mütəxəssisləri tərtib olunmuş klinik protokolların ilkin variantına rəy bildirəcəklər

Klinik protokol hər hansı xəstəlik, sindrom, klinik vəziyyət zamanı tibbi yardım göstərilməsi üzrə sübutlu təbabət prinsiplərinə əsaslanan tövsiyələrdən ibarət olub, müntəzəm yenilənən sənəddir. Protokol müəyyən tibbi müdaxilənin effektivliyi ilə bağlı ən etibarlı elmi məlumatlar əsasında tərtib olunur. Klinik protokollar həkimlərə seçim imkanı verir və hər hansı klinik situasiyada hərəkət etməklə bağlı istiqamətverici rol oynayır.

Protokolların hazırlanması ciddi və məsuliyyətli iş olub, ölkənin bütün elmi-tibbi potensialından istifadə edilməsini, prosesin bir mərkəzdən idarə olunmasını və dünyada qəbul edilmiş meyarlara uyğun şəkildə aparılmasını nəzərdə tutur.

Hazırda yeni klinik protokolların hazırlanması davam edir və bu prosesin daimi aparılması nəzərdə tutulur. Səhiyyə Nazirliyi tərəfindən təsdiq edilmiş klinik protokolları elektron fayl şəklində (PDF formatında) İSİM-in saytından əldə etmək mümkündür: www.isim.az/protokol.php. Bundan əlavə, səhiyyə mütəxəssisləri www.isim.az/draft-protokol.php səhifəsinə daxil olaraq, tərtib olunmuş klinik protokolların ilkin variantı ilə tanış ola bilərlər. Mütəxəssislərin [email protected] ünvanında qəbul olunacaq fikir və rəyləri nəzərə alınacaq.