• İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • “Hemofiliyanın müalicəsində yeni yanaşmalar” mövzusunda elmi-praktik seminar keçirildi
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi
  • Körpələri ana südü ilə qidalandırmanın təbliğinə həsr olunmuş dəyirmi masa keçirildi
  • Azərbaycanda 1-7 oktyabr “Ana südü ilə qidalandırma” həftəsinin başlaması ilə bağlı brifinq keçirildi
  • “Ümumdünya ana südü ilə qidalandırma həftəsi” qeyd olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

4 İYUN 2010

İSİM-də stasionar xidmətinin maliyyələşdirilmə sisteminin təkmilləşdirilməsi mövzusunda seminar keçirildi

4 iyun 2010-cu il tarixdə Səhiyyə Nazirliyinin İctimai Səhiyyə və İslahatlar Mərkəzində (İSİM) Səhiyyə Nazirliyinin 3 avqust 2009-cu il tarixli “Azərbaycan Respublikasında səhiyyənin yeni maliyyələşdirmə sisteminə hazırlıq barədə” Sərəncamının yerinə yetirilməsi çərçivəsində stasionar xidmətinin maliyyələşdirilmə sisteminin təkmilləşdirilməsi mövzusunda İSİM, Səhiyyə Nazirliyinin Səhiyyə Sektorunda İslahatlar Layihəsi və Abt Associates tərəfindən birgə təşkil olunmuş seminar keçirildi.

Seminarda Bakı şəhərinin aparıcı xəstəxanalarının və doğum evlərinin aidiyyəti işçiləri və Bakı Baş Səhiyyə İdarəsinin təmsilçiləri iştirak etmişdirlər. Seminarı səhiyyə maliyyələşməsi üzrə beynəlxalq mütəxəssis Aleksandr Katsaqa aparmışdır. Seminar zamanı “2008-2012-ci illərdə Azərbaycan Respublikasında səhiyyənin maliyyələşdirilməsi sisteminin islahatı və icbari tibbi sığortanın tətbiqi Konsepsiyasının həyata keçirilməsi üzrə Tədbirlər Planı”na əsasən tibbi xidmət təchizatçılarının yeni maliyyələşdirmə sisteminin işlənib hazırlanması və bu məqsədlə xəstəxanalarda məlumatların toplanması və təhlili barədə ətraflı məlumat verildi. Stasionarların gələcəkdə “müalicə halı” əsasında maliyyələşdirilməsi çərçivəsində zəruri hesab olunan kliniki-xərclər qrupların işlənməsi üçün seçilmiş və seminarda iştirak etmiş stasionarlarda stasionardan çıxanın tibbi kartasındaki (AZS-066 nömrəli forma) məlumatların “Vətəndaşların Elektron Sağlamlıq Kartı Sistemi”nə düzgün və vaxtında daxil edilməsi zərurəti vurğulandı. İştirakçılara bir sıra statistik forma və cədvəllərdən istifadə qaydaları və əldə ediləcək faydalar izah edildi.

Seminarın yekununda iştirak edən xəstəxana və doğum evləri təmsilçilərinə seminar materialları paylanıldı və 2 həftə ərzində onlardan artıq doldurulmuş statistik formaların təhlil üçün alınması qərarı qəbul olundu.