16 FEVRAL 2009

ISIM-də “Səhiyyə sahəsində Kommunikasiya və PR ” mövzusunda görüş

3 fevral 2009-cu il tarixində İctimai Səhiyyə və İslahatlar Mərkəzində (İSİM) Mərkəzin Səhiyyə Kommunikasiyası və İctimaiyyətlə Əlaqələr şöbəsinin təşkilatçılığı ilə yerli QHT-lər və beynəlxalq təşkilatların nümayəndələri ilə “Səhiyyə sahəsində Kommunikasiya və PR” mövzusunda yeddinci görüş keçirildi. Tədbirdə, Azərbaycan Respublikası Təhsil Nazirliyi, USAİD, İlkin Səhiyyə Xidmətlərinin Gücləndirilməsi Layihəsi (PHCS), Açıq Cəmiyyət İnstitutu-Yardım Fondu, ACQUIRE Project, Azərbaycan Qızıl Aypara Cəmiyyəti, Rostropoviç-Vişnevskaya Fondu və “HAYAT” Beynəlxalq Humanitar Təşkilatının nümayəndələri iştirak edirdilər.
USAİD-in İlkin Səhiyyə Xidmətlərinin Gücləndirilməsi Layihəsinin (PHCS) kommunikasiya üzrə meneceri Cəmilə Əzizova iştirakçıları 2008-ci ilin sonu və 2009-cu ilin əvvəlində səhiyyə kommunikasiyası sahəsində həyata keçirilən tədbirlər barədə iştirakçıları məlumatlandırdı. USAİD-in İlkin Səhiyyə Xidmətlərinin Gücləndirilməsi Layihəsi tərəfindən Cons Hopkins Kommunikasiya Proqramları Mərkəzində çap olunmuş “Səhiyyə kommunikasiyası strategiyasının hazırlanması üçün rəhbər vəsait” adlı kitabın Azərbaycan dilinə tərcümə edilməsi haqqında məlumat verildi. Bildirildi ki, 2009-cu ilin mart ayında İSİM-də USAİD-nin İlkin Səhiyyə Xidmətlərinin Gücləndirilməsi Layihəsinin təşkilatçılığı ilə “Səhiyyə Kommunikasiyası üzrə Milli Strategiyanın hazırlanması” mövzusunda iki günlük təlim keçiriləcəkdir.
İştirakçıların son dövrlər reallaşdırılan fəaliyyətləri haqqında məlumat mübadiləsindən sonra səhiyyə kommunikasiyası ilə bağlı müzakirələrə başlanıldı.