• İSİM-də “21 sentyabr - Beynəlxalq Sülh Günü”nə həsr edilmiş tədbir keçirildi
  • “Ümumdünya ana südü ilə qidalandırma həftəsi” qeyd olundu
  • “28 iyul – Ümumdünya Hepatit Günü”nə həsr olunmuş mətbuat konfransı keçirildi
  • İSİM-in nümayəndəsi Aşqabadda keçirilən elmi-praktik konfransda iştirak etdi
  • İSİM-də “Neonatal reanimasiya” üzrə təlim təşkil edildi
  • İSİM-də “31 May 2018-ci il: Ümumdünya Tütünsüz Gününün 30 illik yubileyi” mövzusunda Kütləvi İnformasiya Vasitələrinin iştirakı ilə dəyirmi masa keçirildi
  • İSİM-də “Kliniki Qərara Dəstək Təlim Təşəbbüsü” layihəsinin nailiyyətlərinə həsr olunmuş konfrans təşkil olundu
  • İSİM işə qəbul elan edir. Vakansiyalarla burada tanış ola bilərsiniz!

XƏBƏRLƏR bütün xəbərlər

11 MAY 2010

Erkən müdaxilə və xüsusi qayğıya ehtiyacı olan uşaqların cəmiyyətə sosial inteqrasiyası

2010-cu il 5-7 may tarixlərində İctimai Səhiyyə və İslahatlar Mərkəzində (İSİM) Avropa Komissiyasının Azərbaycan üzrə Nümayəndəliyi, Psixiatriyada Qlobal Təşəbbüs Təşkilatı (Hollandiya) dəstəyi ilə Uşaqların Sağlam Gələcəyi İctimai Birliyi tərəfindən “Erkən müdaxilə və xüsusi qayğıya ehtiyacı olan uşaqların cəmiyyətə sosial inteqrasiyası” mövzusunda keçirilən silsilə təlimlərin davamı keçirildi.

Uşaqların psixofiziki inkişafında geriliyi erkən yaşdan müəyyən etmək və onların bacarıqlarını inkişaf etdirməklə cəmiyyətdən təcrid olunmasının qarşısını almaq məqsədini daşıyan Erkən Müdaxilə Proqramı çərçivəsində həyata keçirilən bu tədbirdə Bakı şəhər poliklinikalarından olan 40 mütəxəssis (nevropatoloqlar, psixoloqlar, loqopedlər) və eləcə də İSİM-in nümayəndələri iştirak etdi.

Uşaqların psixofiziki inkişafında olan geriliyi müxtəlif müayinə üsulları ilə erkən yaşdan aşkar etmək və müvafiq kompleks abilitasiya planını təyin etmək, təhsil və terapevtik proseslərdə ailə üzvlərinin aktiv iştirakını təmin etmək sahəsində iştirakçıların biliklərinin artırılması məqsədilə keçirilən təlimi Niderlandın HAN Universitetinin müəllimi, ortopedaqoq Dr. Truce Soeter apardı.

3 günlük təlimdə diaqnozdan müdaxiləyədək davam edən proses, xüsusi pozuntular, xüsusi uşaqlar və xüsusi ehtiyaclar, multidissiplinar yanaşma barədə iştirakçılara ətraflı məlumat verildi.

Sonda xüsusi qayğıya ehtiyacı olan uşaqlarla cəmiyyətə inteqrasiyası zamanı qarşıya çıxan problemlər və onların həll yolları barədə ətraflı müzakirələr aparıldı və tədbir təlimin iştirakçılar tərəfindən qiymətləndirilməsi ilə başa çatdı.