“İdrak” liseyinin direktoru İdris Alışov, Binəqədi Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin baş məsləhətçisi İlqar Pənahov, Rayon Polis İdarəsinin 5-ci Polis bölməsinin rəisi, polis polkovnik-leytenantı Eyvaz Mürvələtov, Rayon Polis İdarəsinin 5-ci Polis bölməsinin sahə rəisi, polis mayoru Şahin Sadıqov, Bakı Narkoloji Mərkəzin əməkdaşı-sosioloq Fidan Ataxanlı çıxış ediblər. Narkotik vasitələrin qanunsuz dövriyyəsinə qarşı ölkəmizdə aparılan mübarizədən söz açılıb, maarifləndirmə tədbirlərinin əhəmiyyəti vurğulanıb.

 

İSİM-in Layihələrin əlaqələndirilməsi şöbəsinin müdir müavini Ülkər Camalova narkotik vasitələrin insan orqanizminə göstərdiyi mənfi təsirlər və sağlamlığa ağır fəsadları barədə danışaraq, narkotik maddələrdən istifadənin qısa zamanda güclü fiziki və psixi asılılıq yaratdığını nəzərə çatdırıb. Yekunda mövzuya dair videoçarxa baxılıb, gənc nəslə zərərli vərdişlərdən uzaq olmaq tövsiyə edilib.