11 DEKABR 2025
“İstehlakçı siyasəti” standartlaşdırma üzrə Texniki Komitə yaradılıb
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin təşəbbüsü ilə Agentliyin tabeliyində fəaliyyət göstərən Azərbaycan Standartlaşdırma İnstitutu tərəfindən “İstehlakçı siyasəti” standartlaşdırma üzrə yeni Texniki Komitə təsis edilib.
Texniki Komitədə istehlakçıların hüquqlarının müdafiəsi sahəsində bilavasitə fəaliyyət göstərən 8 dövlət qurumu, eləcə də ictimai iştirakçılığın təmin edilməsi məqsədilə 5 ictimai birlik təmsil olunub.
Səhiyyə Nazirliyi İctimai Səhiyyə və İslahatlar Mərkəzinin İctimai sağlamlıq şöbəsinin müdiri Tofiq Musayev və İSİM-in baş hüquq məsləhətçisi Rüstəm Məmmədov komitəyə üzv təyin ediliblər.
İlk iclasda Komitənin fəaliyyət planı üzrə nəzərdə tutulan standart layihələri, bu sahədə mövcud olan beynəlxalq standartlar əsasında qabaqcıl dövlət standartlarının işlənib hazırlanması istiqamətində müzakirələr aparılıb.