“Azərbaycan Respublikasının 2022‒2026-cı illərdə sosial-iqtisadi inkişaf Strategiyası”, o cümlədən bir sıra dövlət proqramları çərçivəsində həyata keçirilən tədbirlərin məqsədiəhali, eləcə də iş yerləri üçün fiziki aktivlik proqramını təşviq etmək, işçilər arasında fiziki aktivliyi və sağlam həyat tərzini təbliğ etməkdir. Bu məqsədlə Səhiyyə Nazirliyinin İctimai Səhiyyə və İslahatlar Mərkəzində (İSİM) nahar fasiləsində yoqa məşğələləri təşkil olunub.

 

İSİM-in əməkdaşı Sevda Məmmədova məşğələlərin müntəzəm davam etdirələcəyini bildirərək, iştirakçılara fiziki aktiv həyat tərzinin üstünlüyü və yoqanın tarixi, əhəmiyyəti, sağlamlığa faydalı təsirləri barədə ətraflı məlumat verib. Yoqa üzrə mütəxəssis, həkim Teymur Hüseynov tərəfindən keçilən əyani məşğələlər iştirakçıların fizioloji və psixoloji sağlamlığının möhkəmləndirilməsinə müsbət təsir göstərib.