İSİM-də Pediatrik Təkmil Həyata Dəstək (PALS) təlim kursu keçirildi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

18 YANVAR 2023

İSİM-də Pediatrik Təkmil Həyata Dəstək (PALS) təlim kursu keçirildi

Səhiyyə Nazirliyi İctimai Səhiyyə və İslahatlar Mərkəzində (İSİM) 17-18 yanvar 2023-cü ildə Pediatrik Təkmil Həyata Dəstək (PALS) təlim kursu keçirildi. Təlimin təşkilində məqsəd tibb işçilərinin bilik və bacarıqlarının təkmilləşdirilməsi idi.

Amerika Ürək Assosiasiyasının (AHA) İSİM-də yerləşən rəsmi təlim məkanında keçirilən ikigünlük təlim zamanı iştirakçılara tənəffüs çatışmazlığının diaqnostikası və müalicəsi, təxirəsalınmaz vəziyyətlər zamanı istifadə olunan dərmanlar, uşaqlarda aritmiyalar, şok senariyaları və intraosseoz yolun təmin edilməsi, ürək dayanması və respirator çatışmazlıq hallarının vaxtında aşkar edilməsi mövzuları barədə geniş məlumat verildi, bu istiqamətdə praktik tətbiqetmə-simulyasiya təcrübələri həyata keçirildi.

Təlimlər Amerika Ürək Assosiasiyasının (AHA) PALS üzrə instruktoru,   İSİM-in Səhiyyə siyasəti və planlaşdırma şöbəsinin əməkdaşı, həkim nevroloq Könül İsmayılova tərəfindən  aparıldı.

Təlim Səhiyyə Nazirliyinin Elmi Tibbi Şurası tərəfindən akkreditasiya olunmuş və 12 DTT kredit balı ilə qiymətləndirilmişdi.

Qeyd edək ki, Pediatrik Təkmil Həyata Dəstək (PALS - Pediatric Advanced Life Support) Amerika Ürək Assosiasiyası/Amerika Kardiologiya Cəmiyyəti və Amerika Pediatriya Akademiyası tərəfindən tibb mütəxəssislərinin davamlı tibbi təhsil və praktik vərdişlərinin təkmilləşdirilməsi üçün hazırlanmış təlimdir.

 

Şəkillər