28 OKTYABR 2022

Məktəbli uşaqların qidalanması və qurd xəstəliklərinə qarşı maarifləndirici tədbir keçirildi

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən 27 oktyabr 2022-ci ildə Bakı şəhəri 42 nomrəli tam orta məktəbdə məktəbli uşaqların qidalanması və qurd xəstəliklərinə qarşı maarifləndirici tədbir keçirildi.

İSİM-in Səhiyyə siyasəti və planlaşdırma şöbəsinin müdir müavini, həkim Lətafət Dadaşova “Qurd xəstəliklərinin profilkatikası” mövzusunda geniş təqdimatla çıxış edərək qurd xəstəlikləri və onların yarada biləcəkləri fəsadlar barədə ətraflı məlumat verdi. O bildirdi ki, bu xəstəlik daha çox 5-14 yaşlı uşaqlar arasında müşahidə olunur və müalicə edilmədikdə bir sıra problemlərə, o cümlədən boyatma göstəricisinə, mənimsəmə qabiliyyətinə və azqidalanmaya, qəbizliyə, qan azlığı kimi xəstəliklərə gətirib çıxara bilər.

İSİM-in Səhiyyə kommunikasiyası şöbəsinin əməkdaşı Gülnarə Cəfərova “Məktəbli uşaqların qidalanması” mövzusu üzrə​ təqdimatla çıxış edərək, uşaq və yeniyetmələrin sağlam qidalanmasının əhəmiyyətindən söz açdı, gənc nəslin düzgün və balanslı qidalanması ilə bağlı tövsiyələri nəzərə çatdırdı.

Yekununda iştirakçıları maraqlandıran suallar cavablandırıldı və onlara İSİM tərəfindən hazırlanaraq çap edilmiş maarifləndirici materiallar təqdim olundu.