20 NOYABR 2019

“Uşaqlarda boy problemləri” mövzusu üzrə seminarlar keçirildi

Səhiyyə Nazirliyinin İctimai Səhiyyə və İslahatlar Mərkəzi və Azərbaycan Tibb Universitetinin birgə təşkilatçılığı “Uşaqlarda boy problemləri” mövzusu üzrə seminarlar keçirildi. Seminarlarda Şəki, Qax, Qəbələ, Quba, Oğuz, Zaqatala, Balakən, Lerik, Astara, Masallı, Cəlilabad, Yardımlı, Sabirabad, Biləsuvar, Lənkəran, Salyan rayonlarında fəaliyyət göstərən mərkəzi xəstəxana və uşaq poliklinikalarının həkim-endokrinoloq, terapevt və pediatrları iştrak etdilər. Seminarların təşkilində əsas məqsəd – boy qısalığı olan uşaqların erkən aşkarlanması və sübutlara əsaslanan tibbi müalicənin aparılması ilə fiziki inkişafdan geri qalmanın və əlilliyin qarşısının alınması idi.

Təlimlər pediatr-endokrinoloqlar – Gündüz Ağayev, İlsur Novruzov, Azad Əkbərzadə və Nabat Ağayeva tərəfindən aparıldı. Çıxışlarda vurğulandı ki, uşaqlarda yaranan boy qısalığı problemləri ciddi məsələdir, həkimlər və valideynlər məsuliyyətli olmalı, gənc nəslin sağlam inkişafına həssaslıqla yanaşmalıdırlar. Boy çatışmazlığının səbəbləri, potogenezi  və təsnifatı,  müasir müalicə metodlarının  tətbiqi ilə uşaqlarda boy probleminin yaranmasının qarşısını almağın mümkünlüyü, həmçinin boy hormonu çatışmazlığına dair klinik hallar barədə iştirakçılara ətraflı məlumat verildi.

Səhiyyə Nazirliyi tərəfindən akkreditasiya olunmuş seminarın yekununda iştrakçıların sualları cavablandırıldı və həkimlərə sertifikatlar (4 kredit balı) təqdim olundu.

Şəkillərlə burada tanış olmaq olar.