• Səhiyyə Nazirliyinin İctimai Səhiyyə və İslahatlar Mərkəzinin nümayəndələri Qazaxıstan Respublikasında işgüzar səfərdə olublar
  • Azərbaycanda XIX Beynəlxalq Gənclər Forumu keçirilir
  • İncəsənət xadimləri, KİV nümayəndələrinin iştirakı ilə “Hər günün tütünsüz olsun!” mövzusunda dəyirmi masa keçirildi
  • İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb

XƏBƏRLƏR bütün xəbərlər

14 NOYABR 2019

14 noyabr – Ümumdünya Diabet Gününə həsr olunmuş “Diabet: Ailənizi qoruyun!” adlı maaifləndirici aksiya keçirildi

Səhiyyə Nazirliyinin İctimai Səhiyyə və İslahatlar Mərkəzi (İSİM), Respublika Endokrinologiya Mərkəzi, Azərbaycan Diabet Liqası və “Novo Nordisk” şirkətinin birgə əməkdaşlığı ilə 14 noyabr 2019-cu il tarixdə Park Bulvarda “Diabet: Ailənizi qoruyun!” adlı maaifləndirici aksiya keçirildi. Ümumdünya Diabet Gününə həsr olunmuş aksiyanı giriş sözü İSİM-in Layihələrin əlaqələndirilməsi şöbəsinin müdiri  Səbinə Babazadə açdı. O bildirdi ki, bu günün qeyd olunması ilə bağlı təklif 1991-ci ildə Beynəlxalq Diabet Federasiyası və Ümümdünya Səhiyyə Təşkilatı tərəfindən dünyada diabet hallarının yüksəlməsinin qarşısını almaq məqsədilə irəli sürülüb və 2006-cı ildə BMT Baş Assambleyası tərəfindən qəbul edilən qətnaməyə əsasən, 2007-ci ildən etibarən hər il noyabrın 14-ü BMT-nin Ümumdünya Diabet Günü kimi hesab olunur: “Bu günün keçirilməsində məqsəd ictimaiyyəti xəstəliyin səbəbləri, simptomları, fəsadları ilə bağlı məlumatlandırmaqdır, çünki şəkərli diabetlə mübarizə hazırda dünya səhiyyəsinin ən aktual məsələlərindən biridir”.  Qeyri-infeksion xəstəliklərin, o cümlədən şəkərli diabetin qarşısının alınması məqsədilə ölkəmizdə həyata keçirilən genişmiqyaslı tədbirlərdən söz açan S.Babazadə İSİM tərəfindən əhali, xüsusilə də məktəblilər arasında fiziki aktivliyin və sağlam həyat tərzinin təbliği ilə bağlı maarifləndirmə işlərinin aparıldığını diqqətə çatdırdı.

Azərbaycan Diabet Liqasının sədri, Respublika Endokrinologiya Mərkəzinin həkim-endokrinoloqu Yeganə Sultanova  vurğuladı ki, maarifləndirici aksiyanın təşkilində əsas məqsəd ictimaiyyətin diqqətini şəkərli diabetin profilaktikasına və sağlam qidalanmanın şəkərli diabet xəstələri üçün həyati önəm daşıdığına yönəltməkdir. İSİM-in Səhiyyə kommunikasiyası şöbəsinin meneceri Nigar İsmayılova aksiya iştirakçılarına sağlam həyat tərzi keçirməyin və fiziki aktiv olmağın əhəmiyyəti barədə ətraflı məlumat verdi, qeyri-sağlam qidalanmanın həyat artıq çəkinin artmasına səbəb olduğunu, bunun da bilavasitə şəkərli diabetin yaranmasına təkan verdiyini nəzərə çatdırdı.

Aksiya zamanı Respublika Endokrinologiya Mərkəzinin mütəxəssisləri tərəfindən arzu edən şəxslərdə qanda şəkərin miqdarı yoxlanıldı və nəticələr əsasında onlara lazımi tövsiyələr verildi. Sağlam qidalanma guşəsində gündəlik istifadə olunan məhsulların tərkibindəki karbohidratın  və qlükozanın miqdarı əhalinin diqqətinə çatdırıldı. Eyni zamanda, aksiya zamanı maarifləndirici viktorina keçirildi və qaliblər mükafatlandırıldı.

Şəkillərlə burada tanış olmaq olar.