İSİM-in nümayəndəsi Praqada keçirilən beynəlxalq müşavirədə iştirak etdi | İСTİMAİ SƏHİYYƏ və İSLAHATLAR MƏRKƏZİ
  • Səhiyyə Nazirliyi İctimai Səhiyyə və İslahatlar Mərkəzi tərəfindən keçirilən hekayə müsabiqəsinin qalibləri elan olunub
  • Səhiyyə Nazirliyi Füzuli şəhərində məktəbyaşlı uşaqlar üçün sağlam həyat tərzinin təbliğinə həsr olunan maarifləndirici aksiya keçirib
  • Səhiyyə Nazirliyi İSİM-in hazırladığı “Sağlam uşaq” internet portalı və mobil tətbiqi istifadəyə verilib
  • 14 noyabr – Ümumdünya Diabet Günü ilə bağlı aksiya keçirilib
  • Akademik Zərifə Əliyevanın 100 illik yubileyinə həsr olunmuş aksiya keçirilib
  • İctimai Səhiyyə və İslahatlar Mərkəzində Uşaq Günü qeyd olunub
  • Səhiyyə Nazirliyi İctimai Səhiyyə və İslahatlar Mərkəzi tərəfindən (İSİM) hazırlanan mobil əlavələr
  • 14 iyun – Ümumdünya Qan Donoru Gününə həsr olunmuş aksiya keçirildi
  • Akademik Zərifə Əliyevanın 100 illik yubileyinə həsr edilmiş tədbir və “Göz həkimi” tamaşasının nümayişi oldu
  • İSİM-də “Ümumilli lider Heydər Əliyev və Azərbaycan səhiyyəsi” adlı foto-sərginin və albom-kataloqun təqdimatı oldu

XƏBƏRLƏR bütün xəbərlər

1 OKTYABR 2019

İSİM-in nümayəndəsi Praqada keçirilən beynəlxalq müşavirədə iştirak etdi

Çex Respublikasının paytaxtı Praqa şəhərində 30 sentyabr-1oktyabr 2019-cu il tarixdə Ümumdünya Səhiyyə Təşkilatının (ÜST) Alkoqol istifadəsinin azaldılması üzrə Qlobal Strategiyasının və Alkoqol istifadəsinin azaldılması üzrə ÜST-nin Avropa Fəaliyyət Planının (2012–2020) həyata keçirilməsi ilə bağlı regional müşavirəsi keçirildi. Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin (İSİM) Layihələrin əlaqələndirilməsi şöbəsinin müdiri Səbinə Babazadə müşavirədə iştrak etdi.

Müşavirənin keçirilməsində əsas məqsəd – alkoqolun zərərli istifadəsinin azaldılması üzrə ÜST-nin Qlobal Strategiyası təsdiq olunduqdan sonra ötən on il ərzində qazandığı uğurlara, həmçinin strategiyanın həyata keçirilməsində yaranan problem və çətinliklərə ümumi nəzər salmaq, eyni zamanda yeni tədbirlər və tövsiyələr hazırlamaqla ölkələr səviyyəsində alkoqol istifadəsinin azaldılmasına nail olmaq idi.

Çexiya Səhiyyə Nazirliyinin dəstəyi ilə keçirilən müşavirədə Azərbaycan, İtaliya, Avstriya, Rumıniya, Xorvatiya, Estoniya, Norveç, Özbəkistan, Belorus – bir sözlə, ÜST-ə üzv olan 35 ölkənin nümayəndələri iştrak etdilər. Müşavirədə alkoqolun zərərli istifadəsinin azaldılması üzrə Qlobal Strategiya sisteminə uyğun olaraq, alkoqolun istehlakı və sağlamlığa təsiri ilə bağlı monitorinqin nəticələrinə nəzər salındı, ÜST-nin alkoqolun zərərli təsirini azaltmaq üçün Avropa Fəaliyyət Planının (2012-2020) həyata keçirilməsinin effektliyini artırmaq məqsədilə yol xəritəsinin ilk layihəsi ətrafında müzakirələr aparıldı.

Ölkələr üzrə mövcud vəziyyəti müzakirə edən nümayəndələr alkoqolun zərərli istifadəsininin azaldılması üçün daha geniş miqyasda tədbirlərin həyata keçirilməli olduğunu və birgə çalışmağın vacibliyini vurğuladılar. Nümayəndələr ölkələrində bu istiqamətdə görülən işləri və  əldə edilən təcrübələri digər iştirakçıların diqqətinə çatdırdı.

Müşavirənin son günü ölkələrin nümayəndələri arasında qrup müzakirələri  aparıldı və gələcək planlarla bağlı fikirlər dinlənildi.

Şəkillərlə burada tanış olmaq olar.