• İSİM-in nümayəndələri Türkmənistanda keçirilən Ümumdünya Səhiyyə Təşkilatının konfransında iştirak etdilər
  • Azərbaycanda tütünlə mübarizə sahəsində dövlət-özəl sektor tərəfdaşlığının əhəmiyyətinə həsr olunmuş dəyirmi masa keçirildi
  • “Tütündən imtina et” mobil aplikasiyasının təqdimatına və Azərbaycanda tütünlə mübarizə qanunvericiliyinin təkmilləşdirilməsinə həsr olunmuş dəyirmi masa keçirildi
  • İSİM-də “Səhiyyə sistemində islahatların idarə edilməsi. Səhiyyə iqtisadiyyatı”mövzusu üzrə təlim təşkil olundu
  • Sübutlara Əsaslanan Tibbi Təlimatlar (Evidence-Based Medicine Guidelines) - www.ebmg.az portalının açılışı oldu
  • “Hemofiliyada multidissiplinar yanaşma” mövzusunda elmi-praktik seminar keçirildi
  • İSİM, REM və İtaliyanın Barometer Diabet Müşahidə Fondu arasında əməkdaşlıq haqqında sənəd imzalanıb
  • Astanada İlkin Səhiyyə Xidməti üzrə Qlobal Konfrans keçirildi
  • Sübutlara əsaslanan tibbi təlimatlar Azərbaycan dilinə tərcümə olunacaq
  • Davamlı Tibbi Təhsilin tətbiqi ilə bağlı maarifləndirici toplantı keçirildi

XƏBƏRLƏR bütün xəbərlər

30 APREL 2019

Zorakılığa məruz qalmış uşaqlarla işləyən tibb işçiləri üçün təlim keçirilir

30 aprel-2 may 2019-cu il tarixdə Səhiyyə Nazirliyinin İctimai Səhiyyə və İslahatlar Mərkəzində uşaqların zorakılıqdan uzaq, sağlam mühitdə böyüməsi üçün nəzərdə tutulan profilaktik və reabilitasiya tədbirlərinə dair təlim keçirilir. Səhiyyə Nazirliyinin İctimai Səhiyyə və İslahatlar Mərkəzinin (İSİM) və “Ümidli gələcək” Sosial Təşəbbüslər İctimai Birliyinin birgə həyata keçirdiyi təlimdə ilkin səhiyyə xidməti sahəsində çalışan həkimlər, məktəb psixoloqları və KİV nümayəndələri iştrak etdilər. 

İSİM-in Layihələrin əlaqələndirilməsi şöbəsinin müdiri Səbinə Babazadə giriş sözü ilə çıxış edərək bildirdi ki, məktəbdə, həyətdə, məişət zəminində  fiziki və ya mənəvi zorakılıq halları ilə qarşılaşan uşaqlara lazımi tibbi-psixoloji yardım göstərilməsi üçün tibb işçilərinin bilik və bacarıqlarının artırılması bu gün olduqca vacib məsələdir: “Zorakılıq halları ilə üzləşən uşaqlar özünə qapanır, depressiyaya düşürlər, bu vəziyyət azyaşlının intihar etməsinə səbəb ola bilir. Bu halların baş verməsinin qarşısını almaq üçün zərər çəkmiş şəxslərə tibbi-psixoloji yardım təcili və təxirəsalınmaz formada, düzgün sistematik qaydada aparılmalıdır”. Ümidli Gələcək  Sosial Təşəbbüslər İctimai Birliyinin icraçı direktoru Kəmalə Aşumova belə layihələrin keçirilməsinin əhəmiyyətini vurğulayaraq, zərərçəkmiş şəxslərə göstərilməli olan xidmətdən söz açdı, qarşılaşdığı hadisələrdən əldə etdiyi təcrübələri iştrakçılarla bölüşdü. İSİM-in Səhiyyə kommunikasiyası şöbəsinin müdiri Laura Quliyeva çıxış edərək, cəmiyyəti  zorakılığa qarşı daha fəal mübarizəyə çağırdı, hər kəsin bu məsələyə həssas, qayğıkeş yanaşmasının böyük əhəmiyyətə malik olduğunu vurğuladı. İSİM-in Səhiyyə siyasəti və planlaşdırma şöbəsinin müdiri  Şəhla Mirzəzadə dünyada və ölkəmizdə baş verən zorakılıq halları ilə bağlı statistik məlumatları qeyd etdi, uşaqlara qarşı zorakılığın risk faktorları və bu istiqamətdə səhiyyə müəssisələrində çalışan əməkdaşların peşəkar fəaliyyətinin vacibliyindən danışdı. İSİM-in Tibbi keyfiyyət standartları şöbəsinin müdiri Şəhla İsmayılova zorakılığın qurbanı olan uşaqların aşkarlanması, onların vəziyyətlərinin qiymətləndirilməsi, yetkinlik yaşına çatmayan uşaqların müayinəsi, zorakılığa məruz qalmış uşaqlarla aparılan tədbirlər üzrə tövsiyələr və sənədləşdirmə işləri, normativ hüquqi sənədlər, uşaqlara qarşı zorakılığın profilaktikası mövzuları üzrə ətraflı məlumat verdi.  Zorakılığa məruz qalmış uşaq və gənclər üçün sosial reabilitasiya mərkəzinin klinik psixoloqu Gülşən Axundova zorakılığa məruz qalan uşaqlara tibb işçilərinin ilkin psixoloji dəstəyinin aspektlərini danışdı və qrup işi keçirərək müəyyən hadisələrdə psixoloqların göstərməli olduqları münasibəti və addımları əyani olaraq izah etdi. Elmi Tədqiqat Mama Ginekologiya İnstitutunun poliklinika şöbəsinin müdiri Gülnarə Rzayeva zorakılığa məruz qalan qızların reabilitasiyası işinin aparılması qaydaları barədə həkimləri məlumatlandırdı.

Üçgünlük təlimin yekun günündə iştrakçılara qiymətləndirmə məqsədilə yazılı test imtahanı keçirilməsi və sertifikatların təqdim olunması nəzərdə tutulub.

 

Şəkillərlə burada tanış olmaq olar.